अक्षय बडवे, प्रतिनिधी
Pune Yerawada Crime: चारित्र्याच्या संशयावरुन पतीने पत्नीची निर्घृण हत्या केल्याची घटना पुणे शहरात घडली आहे. पुण्यातील येरवडा भागात ही घटना उघडकीस आली. रूपाली भोसले असे खून झालेल्या महिलेचे नाव असून आशिष भोसले असे अटक केलेल्या आरोपीचे नाव आहे. या घटनेने परिसरात एकच खळबळ उडाली आहे.
याबाबत अधिक माहिती अशी की, मिळालेल्या माहितीनुसार, रूपाली भोसले आणि आशिष भोसले यांचे लग्न १.५ वर्षांपूर्वी झाले होते. आशिष हॉटेलमध्ये साफ सफाईचे काम करतो तर रूपाली धुणे-भांडी करून घर चालवत होती. त्यांना एक ७ महिन्याची मुलगीदेखील आहे.
मात्र मागील काही दिवसांपासून रुपालीचे अनैतिक संबंध असल्याचा संशय आशिषला आला होता. त्यातून त्याने अनेक वेळा तिच्याशी भांडणे केले. शनिवारी रात्री आशिषने जोरदार भांडणे करून रुपालीला शिवीगाळ केली.
या दरम्यान आशिषने धारदार चाकूने पत्नीच्या गळ्यावर, मानेवर आणि पोटावर वार करून तिला जखमी केले. तिला उपचारासाठी रुग्णालयात नेण्यात आले मात्र त्याच्या आधीच तिचा मृत्यू झाला होता. घटनेची माहिती मिळताच पोलिसांनी धाव घेत तात्काळ आरोपीला अटक केली आहे. या हत्येने परिसरात एकच खळबळ उडाली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.