सचिन जाधव

Pune Crime News : शेअर बाजारात गुंतवणुकीवर चांगला परतावा देण्याच्या आमिषाने पुण्यात व्यावसायिकाला ९९ लाख ७ हजार रुपयेचा गंडा घातल्याचा प्रकार उघडकीस आला आहे. कमी कालावधीत भरघोस उत्पन्न मिळवण्याच्या नादात प्रलोभनाला बळी पडून व्यवसायिकांनी घराची विक्री करून आरोपीमार्फत शेअर बाजारात गुंतवणूक केली होती. (Latest Marathi News)

या प्रकरणात पोलिसांनी (Police) नितीन जगन्नाथ गोते याच्या विरोधात फसवणुकीचा गुन्हा दाखल करण्यात आला आहे. खराडी भागातील ५१ वर्षीय व्यवसायिकांने चंदननगर पोलीस ठाण्यात या प्रकरणी तक्रार दिली होती.

तक्रारदार व्यवसायिक आणि आरोपी नितीन गोते यांची वर्षापूर्वी ओळख झाली. गोतेने व्यवसायिकाला शेअर बाजारात गुंतवणूक केल्यास दरमहा चांगला परतावा मिळाले असे आमिष दाखवले होते. (Pune News)

प्रलोभनाला बळी पडून व्यवसायिकांनी राहत्या घराची विक्री करून त्याला ९९ लाख ७ हजार रुपये दिले होते. व्यवसायिकांनी शेअर बाजारातील व्यवहारा संदर्भात उघडलेल्या बँक खात्याची पडताळणी केली तेव्हा ९९ लाख ७ हजार रुपयांचा तोटा झाल्याचे पोलिसांना आढळून आले. या प्रकरणी चंदननगर पोलिसांनी गुन्हा दाखल करून यामध्ये अजून कोणी सहभागी आहे का याचा तपास पोलीस करत आहेत.