ज्ञानेश्वर हिंगोलीकर

Pune Crime News : पुण्यात (Pune) बलात्काराच्या गुन्ह्यात पोलीस कोठडीत असलेल्या आरोपीने कोठडीच्या भिंतीवर व लोखंडी गजावर डोके आपटून घेत स्वत:ला जखमी केले. ही बाब गार्ड ड्युटीवर असलेल्या पोलिसांच्या (Police) लक्षात आली. त्यानंतर जखमी झाल्यामुळे आरोपीला पोलिसांनी उपचारासाठी ससून रुग्णालयात (hospital) दाखल केले. ससून रुग्णालयाच्या बाथरूममध्ये त्यान आत्महत्येचा प्रयत्न केला आहे.

बाथरूममधील काचेने स्वत:च्या गळ्यावर जखमा करुन घेता या आरोपीने दुसर्‍यांदा आत्महत्या करण्याचा प्रयत्न केला. अमोल क्षीरसागर असे आरोपीचे नाव आहे. पोलिसांनी आरोपी अमोल राजू क्षीरसागर याला बलात्काराच्या घटनेमध्ये अटक केली होती. त्या आरोपीला हडपसर पोलीस स्टेशनच्या लॉकअपमध्ये ठेवण्यात आले होते.

त्यावेळी त्याने लॉकअपमध्ये कोठडीच्या भिंतीवर व लोखंडी गजावर डोके आपटून घेत स्वत:ला जखमी केले. त्यामध्ये तो जखमी झाल्यावर त्याला ससून रुग्णालयात उपचारासाठी दाखल करण्यात आले. त्यावेळी त्याने वॉशरूमला जात असल्याचे सांगून आतमध्ये खिडकीतील काच काढून घेत स्वतःच्या गळ्यावर वर करत आत्महत्येचा प्रयत्न केला.

हा प्रकार प्रकार गुरुवारी दुपारी साडेचार ते रात्री ७ वाजेच्या दरम्यान घडला असल्याची माहिती समोर आली आहे. याबाबत पोलिसांनी दिलेल्या माहितीनुसार, अमोल क्षीरसागर याला एका बलात्काराच्या गुन्ह्यात अटक करण्यात आली आहे. त्याला हडपसर पोलीस लॉकअपमध्ये ठेवण्यात आले होते. सध्या त्याच्यावर उपचार करण्यात येत आहेत. आत्महत्येचा प्रयत्न केल्याचा हडपसर पोलिसांनी त्याच्यावर गुन्हा दाखल केला आहे.

Edited By - Shivani Tichkule