SPPU Ajit Pawar SaamTv
मुंबई/पुणे

Pune : कॉलेज सुरू करण्यावरुन गोंधळ; अजित पवारांच्या निर्णयाला तिलांजली! पहा Video

अजित पवार यांच्या आदेशानुसार पुणे महापालिकेने महाविद्यालये सुरू करण्यास परवानगी दिली असली तरी पुण्यातील बहुतांश महाविद्यालये बंदच असल्याचं चित्र आहे.

अमोल कविटकर साम टीव्ही पुणे

पुणे : राज्याचे उपमुख्यमंत्री आणि पुण्याचे पालकमंत्री अजित पवार यांच्या आदेशानुसार पुणे महापालिकेने महाविद्यालये सुरू करण्यास परवानगी दिली असली तरी पुण्यातील बहुतांश महाविद्यालये बंदच असल्याचं चित्र आहे. कारण उच्च शिक्षण विभागाने महाविद्यालये सुरु करण्यास अजून परवानगी दिलेली नाही. त्यामुळे पुण्यात महाविद्यालये सुरु करण्यावरुन गोंधळात गोंधळ निर्माण झाला आहे. पालकमंत्री अजित पवार यांच्या आदेशानंतरही महाविद्यालये बंदच असल्याची स्थिती आहे. पुण्यातील महाविद्यालये सुरु करण्याबाबत उच्च शिक्षण विभागाकडून अद्याप आदेश काढण्यात आलेला नाही.

पुण्यातील ऐतिहासिक वारसा असलेले फर्ग्युसन महाविद्यालय मंगळवारी सुरु झाले. जवळपास दीडेक वर्षांनी विद्यार्थी-विद्यार्थिनींनी महाविद्यालयात पावले टाकलीही. पण, काहीच वेळात महाविद्यालये सुरु करण्यासाठी सावित्रीबाई फुले पुणे विद्यापीठाचे आदेशच निघाले नसल्याचे स्पष्ट झाले. विद्यापीठानेही महाविद्यालय सुरु करण्याचे आदेश काढलेले नाहीत, कारण विद्यापीठाला उच्च शिक्षण विभागाकडून यासंदर्भात कोणतीही सूचनाच मिळालेली नाही.

पुण्यातील महाविद्यालये सुरु करण्याचा आदेश गेल्याच शुक्रवारी उपमुख्यमंत्री अजित पवारांनी दिला होता. अजित पवारांच्या आदेशानुसार पुणे महापालिकेने यासंदर्भात आदेश देखील काढले. विद्यार्थी व महाविद्यालयांची संख्या विचारात घेता सुरक्षिततेला प्राधान्य देत टप्प्या टप्प्याने प्रक्रिया राबविणे संदर्भात राज्य शासन व उच्च शिक्षण संचालनालयाच्या निर्देशानुसार पुढील कार्यवाही करण्यात येईल. यावर उच्च शिक्षण मंत्री उदय सामंत यांनी सावरासावर करण्याचा प्रयत्न केला. दिवाळीनंतरच महाविद्यालये सुरु करु असं सांगणाऱ्या सामंतांची भाषाच बदलली. महाविकास आघाडीच्या या सावळ्या गोंधळात अजितदादांची घोषणा पुण्यातच हवेत विरली. शिवाय महाविद्यालये सुरु करण्याची परवानगी देण्याचा अधिकार खरंच अजितदादांना होता का? हाही प्रश्न या निमित्ताने उपस्थित झाला आहे.

Edited By : Krushnarav Sathe

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Mumbai Local Train: मुंबई लोकलचा ४ दिवस रेल्वे ब्लॉक, अनेक ट्रेन रद्द, जाणून घ्या वेळापत्रक

Ganeshotsav: पुण्यात आता ‘नो लिमिट’, विसर्जन मिरवणुकीत होणार ढोल-ताशांचा जल्लोष, पथकांवरची सक्ती हटली

Friday Horoscope : कामाच्या ठिकाणी धावपळ होणार; 3 राशींच्या लोकांना आव्हाने पेलावे लागणार

Panvel Crime News: मुलीच्या गळ्यावर कोयता, पोलिसांवर कुऱ्हाडीने हल्ला; जामीनावरील आरोपीचा पनवेलमध्ये धुडगूस

Eknath Shinde : उपमुख्यमंत्री नाराज असल्यावर दरेगावी जातात? विरोधकांच्या आरोपांना एकनाथ शिंदेंचं थेट उत्तर, म्हणाले...

SCROLL FOR NEXT