अश्विनी जाधव केदारी

पुणे: कात्रजमध्ये गंधर्व लॉन्स या ठिकाणी जवळपास १५ ते २० गॅस सिलेंडरचा स्फोट झाला होता. माहितीनुसार या ठिकाणी मोठ्या प्रमाणात गॅस सिलेंडर होते. या सिलेंडरचे स्फोट होत असतानाचा एक व्हिडीओ समोर आला होता. याप्रकरणी सागर पाटील व्यवसायिक व सदर जागेवरील मालक यांच्यासह आणखी २ जणांवर गुन्हा दाखल करण्यात आला आहे.

तर, अनधिकृत रित्या सिलेंडरचा साठा मोठ्या प्रमाणात आढळून आला असून १४१ छोटे तर २६ मोठे सिलेंडर पोलिसांनी जप्त केले आहेत.

मिळालेल्या माहितीनुसार, बेकायदेशीरपणे सिलेंडर भरण्याचे काम इथे चालत होते. काल मंगळवारी या ठिकाणी २० सिलेंडर एकापाठोपाठ फुटल्याने इथे मोठा स्फोट झाला होता. यामुळे परिसरात भीतीचं वातावरण निर्माण झालं होतं तसेच स्थानिकांचा मोठं नुकसान झालं होतं