Talathi Beats Wife Saam Tv News
मुंबई/पुणे

तलाठी नवऱ्याचं अनैतिक संबंध, पॅरालिसिस झालेली बायको नकोशी; अमानुष मारहाण करत...

Talathi Beats Wife: आंबेगाव बुद्रुक येथे तलाठी पतीने पॅरालिसिस झालेल्या पत्नीला जबर मारहाण केली. झटापटीदरम्यान पत्नी गंभीर जखमी झाली असून मेव्हण्यालाही मारहाण झाली. पत्नीच्या फिर्यादीवरून आरोपी शंकर दिवेकर यांच्यावर गुन्हा दाखल.

Bhagyashree Kamble

  • आंबेगाव बुद्रुक येथे तलाठी पतीने पॅरालिसिस झालेल्या पत्नीला जबर मारहाण केली.

  • झटापटीदरम्यान पत्नी गंभीर जखमी झाली असून मेव्हण्यालाही मारहाण झाली.

  • पत्नीच्या फिर्यादीवरून आरोपी शंकर दिवेकर यांच्यावर गुन्हा दाखल.

  • पोलिसांनी IPC च्या विविध कलमांखाली गुन्हा नोंदवला असून तपास सुरू आहे.

पुण्यातील आंबेगाव बुद्रुक येथून एक धक्कादायक बातमी समोर येत आहे. तलाठी पतीने पॅरालिसिस झालेल्या पत्नीला जबरी मारहाण केली आहे. या घटनेत पीडितेच्या गळ्याला गंभीर ओरखडे लागून ती जखमी झाली असून, मेव्हण्यालाही आरोपी पतीने मारहाण केली आहे. पत्नीच्या फिर्यादीवरून तलाठी पतीवर आंबेगाव पोलिस ठाण्यात गुन्हा दाखल करण्यात आला आहे.

मिळालेल्या माहितीनुसार, तक्रारदार स्वाती शंकर दिवेकर आपल्या पती शंकर आप्पासाहेब दिवेकर (रा. आंबेगाव बु., मूळ रा. पाटस, ता. दौंड, जि. पुणे) यांच्यासोबत दळवीनगर, आंबेगाव बुद्रुक येथे राहतात. आरोपी पतीचे दुसऱ्या महिलेसोबत अनैतिक संबंध होते. जून महिन्यात आरोपी नवऱ्यानं बायकोला, मनिषा सकुंडे हिच्यासोबत संबंध ठेवत असल्याचे सांगितले.

"मला तिच्याशी लग्न करायचे आहे, तू मला घटस्फोट दे," असे सांगून त्याने पत्नीला शिवीगाळ करून वारंवार मारहाण केली होती. १७ ऑगस्ट २०२५ रोजी, दुपारी दोनच्या सुमारास आरोपी पतीनं आपल्या आईला फोन केला. तसेच पत्नीबाबत चर्चा केली. त्यावेळी पत्नी स्वाती यांनी "तुम्ही माझ्याबद्दल आईला काय सांगता आहात?" असा प्रश्न विचारला. याचा राग आल्याने शंकर दिवेकर यांनी पत्नीला लाथाबुक्क्यांनी आणि खुर्चीने मारहाण करून गंभीर जखमी केले.

या घटनेनंतर पत्नी स्वाती यांनी पोलिस ठाण्यात धाव घेत तक्रार दाखल केली. त्यानुसार आरोपी शंकर दिवेकर याच्यावर भारतीय दंड संहितेच्या कलम 118(1), 115(2), 352 व 351(2) अन्वये गुन्हा दाखल करण्यात आला आहे. या प्रकरणानंतर परिसरात खळबळ उडाली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

शिवसेना आमदाराच्या पत्नीसमोर चित्रलेखा पाटील म्हणाल्या ५० खोके...; सुरूवातीला बाचाबाची नंतर धक्काबुक्की; VIDEO व्हायरल

Ban Online Betting Games: मोदी सरकारचा आणखी एक स्ट्राईक; ऑनलाइन बेटिंग गेम्सवर आणणार बंदी

Crime: दारूच्या नशेत बायकोवर कुऱ्हाडीने वार, नंतर धावत्या ट्रेनसमोर उडी मारून आत्महत्या; जळगाव हादरले

Maharashtra Rain: राज्यात पावसाचे धुमशान! रेल्वेसेवेला मोठा फटका, २०-२१ ऑगस्टला लांबपल्ल्याच्या ट्रेन्स रद्द; वाचा लिस्ट

Maharashtra Rain Live News: मुंबईसाठी उद्या पावसाचा ऑरेंज अलर्ट, शाळां-महाविद्यालयांच्या सुट्टीबाबत अद्याप निर्णय नाही: BMC

SCROLL FOR NEXT