कल्याण - विद्यार्थ्यांचा रिझल्ट चांगला लागला तर त्याचे फलक तयार करुन कॉलेज आवारात लावले जातात. तर कधीकधी अटेंडस नसले किव्हा बंक करणाऱ्या विद्यार्थ्यांची यादीही बोर्डावर लावली जाते. मात्र कल्याण मधील अग्रवाल कॉलेज मध्ये लावलेला फलक सध्या चांगलाच व्हायरल होतो आहे. आत्ता थेट या कॉलेजने लेक्चर कमी घेणाऱ्या प्राध्यापकांची यादीचा फलक कॉलेजच्या आवारात लावला आहे.

हे देखील पहा -

हा फलक सोशल मिडियावर चांगलाच व्हायरल झाला आहे. हा प्रकार कल्याणमधील नामांकीत के. एम. अग्रवाल कॉलेजमध्ये घडला आहे. जुलै ते नोव्हेंबर कमी लेक्चर घेणाऱ्या कला वाणिज्य आणि विज्ञान शाखेच्या सहा प्राध्यापकांची यादी कॉलेजच्या गेटवर लावण्यात आली आहे. ही यादी विद्यार्थ्यांमध्ये चर्चेचा विषय ठरली आहे.

याबाबत कॉलेज प्रशासनाने कॉलेज शैक्षणिक कामगिरी चांगली आहे. काही प्राध्यापकांची कामगिरी कमी आहे. त्यांच्या आत्मपरिक्षणासाठी व त्यांच्या कार्यात सुधारणा होण्याकरीता हा प्रकार केला आहे. त्यांच्या विरोधात तूर्तास तरी कोणतीही कारवाई केली जाणार नाही अस सांगितलं.

Edited By - Shivani Tichkule