सचिन जाधव

Pune News: पुण्यातून एक धक्कादायक प्रकार समोर आला आहे. पुण्यात एकतर्फी प्रेमातून युवतीच्या दुचाकीसह तीन दुचाकी पेटविल्याची घटना घडली आहे. पुण्यातील लोहगाव भागात ही घटना घडली आहे. या घटनेने परिसरात खळबळ उडाली आहे. (Latest Marathi News)

मिळालेल्या माहितीनुसार, एकतर्फी प्रेमातून युवतीच्या दुचाकीसह तीन दुचाकी पेटविल्याची घटना लोहगाव भागात घडली. या प्रकरणी एका युवकास विमानतळ पोलिसांनी अटक केली. या प्रकरणी युवकाच्या साथीदाराच्या विरुद्ध गुन्हा दाखल करण्यात आला आहे.

घाडगे असे अटक करण्यात आलेल्याचे नाव आहे. या प्रकरणी घाडगे याच्या साथीदाराच्या विरुद्ध पोलिसांनी (Police) गुन्हा दाखल केला आहे. याबाबत युवतीच्या वडिलांनी विमानतळ पोलीस ठाण्यात फिर्याद दिली आहे. युवती आणि आरोपी घाडगे एकाच महाविद्यालयात शिकत आहेत.

घाडगे युवतीवर एकतर्फी प्रेम करत होता. तो तिला त्रास देत असल्याने युवतीने या घटनेची माहिती वडिलांना दिली. युवतीच्या वडिलांनी घाडगेला समज दिली होती.

घाडगे आणि साथीदार युवती राहत असलेल्या सोसायटीच्या आवारात मध्यरात्री आले. त्यांनी युवतीची दुचाकी पेट्रोल ओतून पेटवून दिली. शेजारी लावलेल्या दोन दुचाकी पेटवून घाडगे आणि साथीदार पसार झाले. याबाबत पोलिसांकडे तक्रार देण्यात आली.त्यानंतर पोलिसांनी तपास करून घाडगेला पकडले.याप्रकरणी विमानतळ पोलिस तपास करत आहेत.

नेमकं काय घडलं ?

घाडगे नावाच्या तरुणाचं त्याच्या कॉलेजमधील तरुणीवर एकतर्फी प्रेम होतं. या एकतर्फी प्रेमातून घाडगेने कळस गाठला. घाडगे आणि त्याच्या साथीदाराने त्या युवतीच्या घराजवळ पोहोचले. त्यांनी थेट या युवतीची दुचाकी पेट्रोलने ओतून पेटवून दिली. त्याचबरोबर या तरुणांनी शेजारी २ दुचाकी देखील पेट्रोल ओतून जाळल्या.

या घटनेने परिसरात एकच खळबळ उडाली आहे. या प्रकाराबाबत पोलिसांत तक्रार करण्यात आली आहे. या प्रकरणात पोलिसांनी आरोपी घाडगेला अटक केली आहे. याप्रकरणी विमानतळ पोलिस अधिक तपास करत आहेत.