ही ऑडिओ क्लिप नीट ऐका... याच ऑडिओ क्लिपमुळे पुणे आणि पिंपरी-चिंचवडच्या राजकीय वर्तुळात खळबळ उडालीये. पुणे आणि पिंपरी-चिंचवड महानगरपालिकेतील काही नगरसेवकांच्या जात प्रमाणपत्रांवर ओबीसी नेते मंगेश ससाणे यांनी गंभीर आरोप केले होते. आता याच मंगेश ससाणेंना अज्ञात व्यक्तीनं जीवे मारण्याची धमकी दिलीये. बोगस प्रमाणपत्रांबाबत नेमके काय आरोप आहेत ते पाहूयात...

पिपंरी चिंचवड महापालिकेतील 25 पेक्षा जास्त नगरसेवकांनी बोगस ओबीसी दाखला जोडल्याची ससाणेंनी तक्रार केलीय. मराठा समाजातील उमेदवारांनी बनावट कुणबी प्रमाणपत्र सादर करून निवडणूक लढवली आणि विजय मिळवल्याचा त्यांचा आरोप आहे. या तक्रारीच्या आधारे पिंपरी-चिंचवडचे माजी महापौर रवी लांडगे यांच्यासह अनेक नगरसेवकांच्या जात प्रमाणपत्रांची पडताळणी प्रक्रिया सुरू आहे. आणि य़ामुळेच आपल्याला या नगरसेवकांकडून धमकी येत असल्याचा दावा ससाणेंनी केलाय़.

बोगस जात प्रमाणपत्राप्रकरणी जिल्हा जात पडताळणी समिती, पुणे येथे अधिकृत तक्रार दाखल करण्यात आलीये. या प्रमाणपत्रांसह जीवे मारण्याची धमकी देणाऱ्यांचीही सखोल करून कारवाई करण्याची गरज आहे.