रश्मी पुराणिक -

मुंबई : मुख्यमंत्री उद्धव ठाकरे (Uddhav Thackeray) आणि मध्य प्रदेशचे मुख्यमंत्री शिवराजसिंग चौहान यांच्यात OBC आरक्षणा संदर्भात फोनवरून १० मिनिट चर्चा झाली आहे. सुप्रीम कोर्टाच्या निकालानंतर ओबीसी आरक्षण संदर्भात ही चर्चा झाली.

ओबीसी आरक्षणाच्या मुद्दयावर आज राज्य मंत्री मंडळाची बैठक झाली. ओबीसी आरक्षणाशिवाय निवडणूक होऊ नये अशी आमची भूमिका असल्याची माहीती मंत्री जयंत पाटील (Jayant Patil) यांनी दिली. शिवाय मध्य प्रदेशमधील आरक्षण गेल्यावर हा राष्ट्रीय प्रश्न निर्माण झाला असून महाराष्ट्र सरकारमूळे ओबीसी आरक्षण गेल्याची विरोधकांची ओरड चुकीची होती. हे समोर आलं असल्याचंही पाटील म्हणाले. तसंच सुप्रीम कोर्टाने आदेश दिल्याप्रमाणे प्रोसिजर सुरू झाली असल्याचंही त्यांनी सांगितलं.

दरम्यान, ओबीसी आरक्षणा शिवाय स्थानिक स्वराज्य संस्थांच्या निडणुका घेण्याचे सुप्रीम कोर्टाने महाराष्ट्र आणि मध्य प्रदेश राज्य निवडणुक आयोग व राज्य सरकारला आदेश दिले आहेत. याच OBC आरक्षणाच्या मुद्यावर मुख्यमंत्री उद्धव ठाकरे आणि मध्य प्रदेशचे मुख्यमंत्री शिवराजसिंग चौहान (Shivraj Singh Chouhan) यांच्यांमध्ये फोनवरून १० मिनिट चर्चा झाली असून OBC आरक्षण संदर्भात सुप्रीम कोर्टाने दिलेल्या निकालानंतर आता महाराष्ट्र आणि मध्य प्रदेश राज्य सरकार पुर्नविचार याचिका दाखल करण्याच्या तयारीत असल्याचं देखील माहिती समोर येत आहे.

Edited By - Jagdish Patil