सागर आव्हाड

पुणे: पेट्रोल आणि डिझेलच्या दरात सातत्याने वाढ होत आहे, ही दरवाढ सर्वसामान्य नागरिकांना परवडत नाही, या पार्श्वभूमीवर महाराष्ट्र प्रदेश विद्यार्थी काँग्रेस म्हणजेच (एन एस यु आय) च्या वतीने पेट्रोल डिझेल दरवाढ विरोधात आज पुण्यामध्ये आंदोलन करण्यात आले. पंतप्रधान नरेंद्र मोदींनी यापुर्वी पेट्रोल व डिझेल च्या दरावरून केलेल्या भाषणातील अनेक मुद्द्यांना उत्तर देत घोषणा देण्यात आल्या.

हेदेखील पहा

पंतप्रधान मोदी यांनी आपल्या भाषणामध्ये अनेक वेळा पेट्रोल डिझेल च्या दरवाढीवर भाष्य केलेले आहे, त्यांच्या भाषणाच्या ऑडिओ क्लिपचा आधार घेत युवक काँग्रेसने आज हे अनोखे आंदोलन केले, नेहमीपेक्षा वेगळ्या स्टाईलने हे आंदोलन केल्याने या आंदोलनाची चर्चा झाली यावेळी महाराष्ट्र प्रदेशचे सरचिटणीस संकेत गलांडे, काँग्रेसचे ज्येष्ठ नेते मोहन जोशी व अनेक पदाधिकारी कार्यकर्ते उपस्थित होते.