Online Fraud News: ऐशा आरामी आयुष्य जगण्यासाठी आणि महागड्या गाड्यांची हौस भागवण्यासाठी पुणेकरांना (Pune) ऑनलाइन गंडा घातल्याची धक्कादायक घटना उघडकीस आली आहे. या आरोपीने एक दोन नाही तर 44 जणांना गंडा घालत कोट्यावधी रुपयांची फसवणूक केली. या धक्कादायक प्रकाराने चांगलीच खळबळ उडाली आहे. (Latest Marathi News)

ऑनलाइन व्यवहारांच्या वाढत्या ट्रेंडसोबतच ऑनलाइन फसवणुकीच्या (Online fraud) घटनांमध्येही वाढ होते आहे. पुण्यामधून अशीच एक धक्कादायक घटना समोर आली आहे. ज्यामध्ये राहुल राठोड आणि ओमकार सोनोने या दोन तरुणांनी तब्बल ४४ जणांची फसवणूक करत महागड्या गाड्या खरेदी केल्याचे समोर आले आहे.

काय आहे संपूर्ण प्रकरण?

घटनेतील मुख्य आरोपी राहुल राठोड हा क्रिप्टोबीज ट्रेडिंग प्राइवेट लिमिटेड कंपनीचा मालक आहे. याच कंपनीच्या नावावर त्याने लोकांना स्टेकिंग प्रोग्राममध्ये गुंतवणूक करण्यास सांगितले. चांगला नफा मिळेल असे आमिष दाखवून लोकांकडून पैसे जमा केले. याच पैशातून आरोपींनी महागड्या गाड्या खरेदी केल्या.

सापळा रचून पोलिसांनी केली अटक...

मात्र अखेर फसवणुकीची ही गोष्ट पोलिसांना समजली आणि पोलिसांनी सापळा रचून आरोपींना बेड्या ठोकल्या. ऐशा आरामी आयुष्य जगण्याचे आणि महागड्या गाड्यांमधून फिरण्याचे स्वप्न पाहणारे आता तुरुंगाची हवा खात आहेत.