- सिद्धेश म्हात्रे

नवी मुंबई : गेल्या काही दिवसांपासून नवी मुंबई (navi mumbai) येथे हाेत असलेल्या मुसळधार पावसामुळे (Rain) तसेच जोरदार वाऱ्यामुळे वाशी (vashi) येथील मुंबई कृषी उत्पन्न बाजार समिती (apmc market) मधील कांदा बटाटा मार्केटमध्ये असणाऱ्या लिलाव हॉल वरील लोखंडी छप्पर आज अचानक कोसळले. (APMC Market News)

एपीएमसी मार्केट मधील गाळे धोकादायक अवस्थेत असून याची पुनर्बांधणी व्हावी अशी मागणी मागील अनेक वर्षांपासून करण्यात येत आहे. आज (मंगळवार) लिलाव हॉल मधील छप्पर कोसळल्याने पुनर्बांधणीचा मुद्दा पुन्हा समोर आला आहे.

या घटनेत सुदैवाने छप्पर खाली कोणीही नव्हते. त्यामुळे कुठलीही जीवितहानी झाली नाही. यावेळी मार्केटमध्ये उपस्थित असणा-या वाहनधारकांनी त्यांची वाहनं छप्पर पडल्यानंतर बाजूला लावली. सध्या कोसळलेले छप्पर बाजूला करण्याचे काम सुरू आहे.

Edited By : Siddharth Latkar