Thane News : ठाण्यातील (thane) घंटाळी मंदिर रोड परिसरात गोळीबार झाल्याने एकच खळबळ उडाली आहे. आज (शुक्रवार) पहाटेच्या सुमारास गोळीबाराची घटना घडली. या घटनेत एकजण जखमी झाला आहे. (Thane Breaking Marathi News)

ठाण्यातील घंटाळी मंदिर रोड परिसरात झालेला गोळीबार हा दोन गटांमध्ये संपत्तीच्या वादातून झाल्याची प्राथमिक माहिती मिळाली आहे. या घटनेनंतर पोलीस घटनास्थळी दाखल झाले. या घटनेचा पाेलिस कसून तपास करीत आहेत. परिसरातील नागरिकांकडून माहिती घेतली जात आहे. (Maharashtra News)

या घटनेबाबत मिळालेल्या माहितीनुसार, ठाणे (thane) घंटाळे परिसरात पहाटे चार ते पाच वाजण्याच्या सुमारास हा गोळीबार झाला आहे. हा दोन गटांमधील वाद असण्याची शक्यता आहे. संपत्तीच्या वादातून हा प्रकार झाल्याचं समजत आहे. ज्या व्यक्तीवर गोळीबार झाला, त्याच्यासोबत त्याचे सहकारी देखील होते.

आपल्या कार्यालयातून ते रात्रीच्या वेळी ते दिवाळी निमित्त कंदील पुरवण्याचं काम करत होते. त्याचवेळी हल्लेखोर तिथे पोहोचले आणि गोळीबार केला. जखमी व्यक्तीला उपचारासाठी रुग्णालयात दाखल करण्यात आलं आहे. दरम्यान नौपाडा पोलीस ठाण्यात गुन्हा दाखल करण्याची प्रक्रिया सुरु आहे. (Breaking Marathi News)

Edited By : Siddharth Latkar