- सचिन जाधव

Pune News : विद्यापीठ प्रशासन नियमीत विद्यार्थ्यांना जाणीवपूर्वक त्रास देत असल्याचे निषेर्धात आज (शनिवार) पुणे शहर विद्यार्थी काँग्रेसने (एनएसयुआय) सावित्रीबाई फुले पुणे विद्यापीठात आंदोलन छेडले. अभियांत्रिकीच्या द्वितीय वर्षाच्या सॉफ्टवेअर इंजिनिअरिंग या विषयाच्या पेपर पुन्हा घेऊ नये अशी मागणी आंदाेलकांची आहे. (Maharashtra News)

अभियांत्रिकीच्या द्वितीय वर्षाच्या सॉफ्टवेअर इंजिनिअरिंग या विषयाच्या पेपरमध्ये अभ्यासक्रमाच्या बाहेरील प्रश्न आले. या पेपरमध्ये अभ्यासक्रमाबाहेरील प्रश्न आल्यामुळे विद्यार्थ्यांमध्ये तणावाच्या आणि भीतीचे वातावरण निर्माण झाले होते. त्यामुळे आज विद्यार्थ्यांसह पुणे शहर विद्यार्थी काँग्रेसने सावित्रीबाई फुले पुणे विद्यापीठात (university) आंदोलन (aandolan) केले.

हा सर्व पेपर आयटी विभागाच्या अभ्यासक्रमावर आधारित आला होता. या सर्व प्रकारामुळे विद्यार्थी यांचे नुकसान होणार आहे. त्यामुळे विद्यार्थ्यांना (students) उत्तीर्ण करावे किंवा ऑनलाईन पद्धतीने किंवा बहुपर्यायी प्रश्नने पुन्हा परीक्षा घेण्यात यावी अशी मागणी विद्यार्थी काँग्रेसने विद्यापीठास केली आहे.

Edited By : Siddharth Latkar