सुशांत सावंत -

मुंबई : काही दिवसांपूर्वीच मुंबई महानगरपालिकेने केंद्रीय मंत्री नारायण राणे (Narayan Rane) यांच्या जुहूतील अधिश बंगल्याला (Adhish Bungalow) नोटीस बजावली होती. या बंगल्यात अनधिकृत बांधकाम झाल्याचा संशय होता, दरम्यान पालिकेच्या अधिकाऱ्यांकडून बंगल्याची पाहणी देखील करण्यात आली होती तर नारायण राणे यांनी आपल्या बंगल्यात एका इंचाचेही अनधिकृत बांधकाम नसल्याचा दावा केला होता.

मात्र,आता नारायण राणेंच्या अधिश बंगल्यावर पालिकेच्या अधिकाऱ्यांकडून कारवाईचे आदेश देण्यात आले आहेत. बंगल्यालातील अनधिकृत बांधकाम १५ दिवसांत हटवण्याची ॲार्डर जारी केली आहे. तसंच जर बांधकाम पाडलं नाही तर पालिकेला तोडक कारवाई करावी लागेल असा इशारा देखील राणेंना दिला आहे. अधिकाऱ्यांकडून बंगल्यातील बांधकाम महापालिकेच्या सेक्शन ४७५ अ च्या अंतर्गत बांधकाम पाडण्यात येणार आहे.

Edited By - Jagdish Patil