मुंबई: एनसीबीने (NCB) मुंबईत १९० किलो गांजासह ४ जणांना अटक केली आहे. या कारवाईत तस्करांच्या २ गाड्याही जप्त केल्या आहेत. अटक केलेले सर्व आरोपी मुंबईचे रहिवासी आहेत. मुंबईच्या विविध भागात विशेषतः मुलुंड आणि भांडुपमध्ये गेल्या ५ वर्षांपासून गांजा आणि इतर अमली पदार्थांचा पुरवठा करतात. काही दिवसांपूर्वी या टोळीने ओडिशातून मोठ्या प्रमाणात गांजाची डिलिव्हरी मागवली होती. याची कुणकुण एनसीबीला (NCB) लागली होती. त्यानुसार आरोपींच्या हालचालीवर एनसीबी लक्ष ठेवून होते.

या माहितीनुसार एनसीबीने सापळा रचला होता. ही टोळी अंमली पदार्थांचासाठा नेत असल्याचे समोर आल्यानंतर एनसीबीने (NCB) सापळा रचून भिवंडी टोल येथून ताब्यात घेतले आहे. ताब्यात घेण्यात आलेल्या व्यक्तीकडे चौकशी केली असता ते समाधानकारक उत्तर देऊ शकले नाहीत. यावेळी त्यांच्या वाहनांची कसून झडती घेण्यात आली. गाडीमध्ये १९० किलो गांजा आढळून आला. हा गांजा कारमध्ये विशेष जागा करून लपवण्यात आला होता.

दरम्यान, एनसीबीच्या अधिकाऱ्यांनी या व्यक्तींची चौकशी केली असता त्यांनी यापूर्वीही अमली पदार्थांच्या तस्करीत सहभाग असल्याची कबुली दिली. ते अनुभवी तस्कर आहेत आणि गेल्या ५ वर्षांपासून अवैध अंमली पदार्थांच्या तस्करी व्यवसायात असल्याची माहिती समोर आली आहे.

चौकशीत आंध्र प्रदेश-ओडिशा भागातून ही औषधे आणली जात होती. हा प्रतिबंध मुंबई आणि लगतच्या अनेक स्थानिक पेडलर्सना डिलिव्हरी करण्यासाठी होता. या प्रकरणी एनसीबीने (NCB) अधिक चौकशी करत आहेत.