मुंबई - राष्ट्रवादी काँग्रेसचे नेते नवाब मलिक यांनी सॅम डिसूझावर ड्रग्ज प्रकरणी काही आरोप केले होते. मलिक यांनी सॅम डिसूझाचे खरे नाव यांनी सांगितले आहे. यासंदर्भात त्यांनी एनसीबीने सॅम डिसूझाला त्याच्या खऱ्या नावाने पाठवलेल्या नोटीसीचा फोटो देखील आपल्या ट्विटरवर शेअर केला आहे.

सॅम डिसूझाचा फोटो शेअर करत नवाब मलिक म्हणले की, ही व्यक्ती सॅम डिसूझा नाही. त्याचे खरं नाव सॅनविले स्टेनली डिसूझा असे आहे. एनसीबीने ड्रग्ज केस प्रकरणी त्याच्या खऱ्या नावाने नोटीस पाठवली आहे. तसंच नवाब मलिक यांनी एनसीबीचे अधिकारी व्ही व्ही सिंग आणि सॅम डिसूझा यांच्यात फोनवर झालेल्या संवादाची एक ऑडिओ क्लिप सुद्धा ट्विट करत शेअर केली आहे.

दरम्यान, नवाब मलिक आज सकाळी १० वाजता पत्रकार परिषद घेणार आहेत. काल ट्विट करत त्यांनी या पत्रकार परिषदेबाबत माहिती दिली. आता नवाब मलिक सॅम डिसूझा, मनिष भानुषाली आणि प्रभाकर साईल यांच्याबाबत आणखी काय बोलणार याकडे सर्वांचे लक्ष लागून राहिले आहे.

Edited By - Shivani Tichkule