Navi Mumbai : नवी मुंबईतील तुर्भे येथे एका रेस्टॉरंट समोर लघुशंका करणाऱ्या इसमास रोकल्याने वाद झाला. या झालेल्या (Navi Mumbai) वादात सदर इसमाने हॉटेलच्या मॅनेजरला तब्बल एक किलोमीटरपर्यंत आपल्या कारच्या बोनेटवर फरफटत नेल्याची धक्कादायक घटना समोर आली आहे. (Live Marathi News)

नवी मुंबईतील तुर्भे येथील संगीत बारमध्ये सदर व्यक्ती आपल्या मित्रांसोबत मद्य पार्सल घेण्यासाठी आला होता. पार्सल घेतल्यावर हॉटेल बाहेरच लघुशंका करत असताना हॉटेल कर्मचाऱ्यांनी त्याला रोखले. यावरून वाद झाला असता सदर इसमाने कार समोर उभ्या असलेल्या हॉटेलच्या मॅनेजरला बोनेटवरून एक किलोमीटरपर्यंत फरफटत नेले.

सीसीटीव्‍हीमध्‍ये कैद

या घटनेचा सिसीटीव्ही देखील समोर आला असून यामध्ये कार चालक मॅनेजरला बोनेटवर फरफटत घेऊन जाताना दिसत आहे. या प्रकरणी एपीएमसी पोलीस ठाण्यात तक्रार दाखल करण्यात आली असून पोलीस अधिक तपास करत आहेत.