मुंबई - नवी मुंबई आंतरराष्ट्रीय विमानतळाला दि.बा पाटील यांचे नाव देण्यात यावे यावर भूमिपुत्र  ठाम असून, मंगळवारी याबाबत नवी मुंबई आंतरराष्ट्रीय विमानतळ कृती समिती कडून मेळावा  घेण्यात आला. यात जोपर्यंत दि.बा पाटील यांचे नाव देण्यात येणार नाही तोपर्यंत हे आंदोलन सुरु राहणार असल्याचे स्पष्ट करण्यात आले आहे. या मेळाव्यात मुंबई, ठाणे,रायगड,पालघर मधून  भूमिपुत्र आले होते. 13 जानेवारी रोजी दि.बा पाटील यांचे जयंती असून यावेळी विमानतळ नामकरण परिषद होणार आहे.

हे देखील पहा -

त्याचप्रमाणे अहिंसेच्या मार्गने आंदोलन करून  विमानतळाला दि.बा पाटील यांचे नाव देईपर्यंत आंदोलने करत राहणार असल्याचे या मेळाव्यात ठरवण्यात आले. केंद्र सरकारने आश्वासन दिल्यामुळे आंदोलन  शांततेच्या मार्गाने करणार असून, सिडकोने  बाळासाहेब ठाकरे यांचा नावाचा प्रस्ताव विखडीत करून  दि.बा पाटील यांचे नाव  देईपर्यंत आंदोलन सुरू राहणार असे विमानतळ कृती समिती कडून स्पष्ट करण्यात आले आहे.

Edited By - Shivani Tichkule