सिद्देश

Mumbai Latest Crime News : कोपरखैरणेतील खाडी किनाऱ्यालगतच्या झुडपामध्ये रविवारी सायंकाळी एका महिलेचा मृतदेह आढळून आला होता. अखेर या महिलेच्या हत्येचे गूढ उकलण्यात नवी मुंबई गुन्हे शाखेला यश आले आहे.

अज्ञात व्यक्तीने ओढणीने गळा आवळून तिची हत्या केली होती. पुरावा नष्ट करण्याच्या उद्देशाने तिचा मृतदेह खाडीमध्ये ढकलून दिल्याची धक्कादायक घटना समोर आली होती. या संदर्भात कोपरखैरणे पोलीस (Police) ठाण्यात गुन्हा दाखल करण्यात आला होता.

कोपरखैरणे (Kopar Khairane) पोलिसांनी याप्रकरणी गुन्हा दाखल करून महिलेची ओळख पटवण्यासाठी प्रयत्न सुरू केले. अखेर पोलिसांच्या तपासाला यश आलं. नवी मुंबई पोलिसांनी ४८ तासांच्या आत आरोपीचा शोध घेऊन त्याला गजाआड केले आहे.

पोलिसांनी दिलेल्या माहितीनुसार, मृत महिलेची हत्या तिच्यासोबत प्रेमसंबंध असलेल्या सुरक्षारक्षकानेच केल्याचे तपासात निषन्न झालेय. राजकुमार पाल असे या सुरक्षारक्षकाचे नाव असून मृत महिलेने राजकुमारच्या पाठीमागे लग्नासाठी तगादा लावल्याने त्याने तिची हत्या केल्याचे उघडकीस आलं आहे.

मृत महिला मानखुर्द येथे राहणारी असून तिचे लग्न झाले आहे. सदर महिला ही जुईनगर येथे एका सोसायटी मद्ये कामाला येत होती तेथे काम करणाऱ्या राजकुमार पाल याच्याबरोबर तिचे प्रेम सबंध होते. ती सतत त्याला लग्नाचा तगादा लावत असल्याने त्याने तिची हत्या करून मृतदेह खाडीकिनारी टाकल्याची कबुली आरोपीने दिली आहे.