सिद्धेश म्हात्रे

नवी मुंबई : अँटी करप्शनचे अधिकारी असल्याची बतावणी करून कांतीलाल यादव या सार्वजनिक बांधकाम (Navi Mumbai) विभागाच्या सेवानिवृत्त अधिकाऱ्याच्या घरावर धाड टाकण्यात आली. यात घरातील रोख रक्कम, सोन्याचे दागिने व इतर वस्तूंची (Crime News) चोरी करणाऱ्या आरोपींना रबाळे पोलिसांनी मोठ्या शिताफीने अटक केली. (Tajya Batmya)

स्पेशल २६ हा चित्रपट पाहून या आरोपींनी तंतोतंत त्या चित्रपटाप्रमाणे केवळ सव्वा तासात ही धाड टाकली आहे. नवी मुंबईमध्ये हा धक्कादायक प्रकार समोर आला आहे. ६ जणांनी मिळून ही धाड (Robbery) टाकत घरातील ३४ लाख ८५ हजार रुपये किमतीचा मुद्देमाल लंपास केला. (Police) याप्रकरणी कांतीलाल यादव यांनी केलेल्या तक्रारीवरून गुन्हा दाखल करण्यात आला होता. 

सीसीटीव्हीच्या आधारे शोध 

रबाळे पोलीसांनी परिसरातील सीसीटिव्ही आणि तांत्रिक तपास करत गुन्ह्यात सहभागी एकूण ११ जणांना ८ तासात अटक केली. आरोपींकडून केलेल्या चौकशीत कार, रोख रक्कम, पिस्टल असा एकुण २५ लाख २५ हजार रुपये किमतीचा माल हस्तगत केला. याप्रकरणी अटक करण्यात आलेल्या आरोपींची अधिक चौकशी करण्यात येत असून पोलीस याप्रकरणाच्या मुख्य सूत्रधाराचा शोध घेत आहेत.