सुशांत सावंत -

मुंबई : "संजय राऊतांची तपासणी करण्याची वेळ आली आहे. ते तणावाखाली चालले आहेत", असं म्हणत नारायण राणे यांनी संजय राऊतांवर बोचरी टीका केलीये. तसेच, यानंतर भाजपच्या कुठल्याही नेत्यावर काही आरोप केला तर त्याला तसंच उत्तर मिळणार असा इशाराही नारायण राणे यांनी संजय राऊतांना दिला (Narayan Rane on Sanjay Raut says he needs medical check up he is going in depression).

शिवसेना खासदार संजय राऊत (Sanjay Raut) यांनी मंगळवारी शिवसेनेचं शक्ती प्रदर्शन करत पत्रकार परिषद घेतली. या पत्रकार परिषदेत त्यांनी भाजपवर अनेक आरोप केले. तसेच, त्यापूर्वी त्यांनी भाजपचे साडे तीन नेते तुरुंगात जातील असंही वक्तव्य त्यांनी केलं होतं. त्यानंतर भाजप विरुद्ध संजय राऊत हा वाद पुन्हा एकदा उफाळून आला आहे. त्यानंतर आज नारायण राणे यांनी पत्रकार परिषद घेत संजय राऊतांना जोरदार उत्तर दिलं आहे.

"संजय राऊतांची तपासणीची वेळ"

"संजय राऊतांची तपासणी करण्याची वेळ आली आहे. त्यांचा तोल गेलेला आहे. त्यांना काही गोष्टी आठवत नाहीत आणि त्यामुळे ते तणावाखाली चालले आहेत. संजय राऊतांनी काही काळ टीका आणि पत्रकार परिषद घेणे सोडून त्यांच्यावर जे ओढवलं आहे त्याला सामोरे जावं", अससं म्हणत नारायण राणे (Narayan Rane) यांनी राऊतांना सल्ला दिला आहे.

Edited By - Nupur Uppal