आगामी विधानसभा निवडणुकीत भाजपने २८८ जागा लढवाव्या, असं वक्तव्य माजी केंद्रीय मंत्री आणि भाजप खासदार नारायण राणे यांनी केलं आहे. त्यांच्या या वक्तव्यामुळे महायुतीच्या मित्र पक्षात एकच खळबळ उडाली आहे. आता नारायण राणे यांच्या वक्तव्यावर स्वतः मुख्यमंत्री एकनाथ शिंदे यांनी आपली प्रतिक्रिया दिली आहे.

राणे यांच्या वक्तव्यावर प्रतिक्रिया देताना मुख्यमंत्री शिंदे म्हणाले की, ठिक आहे प्रत्येकाचं मत असतं, पण महायुती एकत्र निवडणूक लढवेल, असा विश्वास त्यांनी व्यक्त केला आहे.

नारायण राणे यांच्या वक्तव्यावर शिंदे गटाचे प्रवक्ते आणि खासदार नरेश म्हस्के यांनीही आपली प्रतिक्रिया दिली आहे. ''नारायण राणे यांनी मांडलेल मत त्यांचं वैयक्तिक आहे. तेच जर 288 जागा लढवणार असतील तर मग ती महायुती कसली? असा सवाल त्यांनी उपस्थित केला आहे. ते म्हणाले की, ''जागावाटपाचा निर्णय तिन्ही पक्षांचे वरिष्ठ नेते बसून घेतील.''