सुशांत सावंत -

मुंबई : केंद्रीय सूक्ष्म, लघू आणि मध्यम उद्योग मंत्री नारायण राणे यांच्यावरती आज मुंबईतल्या लीलावती रुग्णालयात अँजिओप्लास्टी करण्यात आली आहे. नारायण राणे (Narayan Rane) हे महिन्यातून एक वेळा रुटीन चेकअपसाठी लीलावती रुग्णालयामध्ये येत असतात. (Narayan Rane News in Marathi)

आज देखील ते चेकअपसाठी आले असता त्यांना थोडासा त्रास जाणवू लागक्याने डॉक्टर जलील पारकर यांच्या सल्ल्यानंतर राणे यांच्यावर अँजिओप्लास्टी करण्यात आली तसंच ही अँजिओप्लास्टी यशस्वी झाल्याचं रुग्णालयाकडून (Lilavati Hospital) सांगण्यात आलं आहे.

पाहा व्हिडीओ -

मात्र, त्यांच्या या शस्त्रक्रियेदरम्यान ब्लॉकेजेस हटवण्यासाठी एक स्टेन टाकण्यात आला असून सध्या त्यांची प्रकृती सध्या स्थिर आहे. तसंच त्यांची तब्येत पाहून त्यांना २ ते ३ दिवसांमध्ये रुग्णालयातून डिस्चार्ज देणार आहेत.

Edited By - Jagdish Patil