Legislative Council Elections Saam TV
मुंबई/पुणे

Legislative Council elections : "...त्यांचा गर्व खाली घेण्याचा आजचा दिवस"; पटोलेंचा भाजपवर हल्ला

Legislative Council Elections : गर्व आणि अतिमहत्त्वाकांक्षा, पैसा, केंद्रीय तपासयंत्रणा यामुळे भाजपला गर्व आला आहे असं नाना पटोले म्हणाले.

ब्युरो रिपोर्ट, साम टीव्ही, मुंबई

मुंबई : विधान परिषदेच्या १० जागेसाठी आज सोमवारी (२० जून) ला मतदान सुरू झालं आहे. त्यामुळे महाविकास आघाडी (MVA) आणि भाजप या दोन्ही गोटात जोरदार हालचाली सुरू झाल्या आहेत. यासोबतच एकमेकांवर आरोप-प्रत्यारोप करणं जोरदार सुरु झालं आहे. महाराष्ट्र कॉंग्रेसचे प्रदेशाध्यक्ष नाना पटोले (Nana Patole) यांनी भाजपवर निशाणा साधला आहे. "ज्यांचा गर्व वाढलाय त्यांचा गर्व खाली घेण्याचा आजचा दिवस आहे." असा टोला पटोलेंनी भाजपला लगावला आहे. (Legislative Council elections Latest News)

हे देखील पाहा -

भाजपवर टीका करताना नाना पटोले म्हणाले की, आघाडीच्या मतांच समीकरण झालं आहे. आमचे सहाही उमेदवार बहुमताने निवडून येतील. मात्र, गर्व आणि अतिमहत्त्वाकांक्षा, पैसा, केंद्रीय तपासयंत्रणा यामुळे भाजपला गर्व आला आहे. भाजपचा तो गर्व आज खाली येणार आहे असा टोला नाना पटोलेंनी लगावला आहे.

विधानपरिषदेच्या १० जागांसाठी ११ उमेदवार निवडणुकीच्या रिंगणात असल्याने ही निवडणूक चुसशीची झाली आहे. विधानपरिषदेच्या निवडणुकीसाठी भाजपनं प्रविण दरेकर, उमा खापरे, राम शिंदे, श्रीकांत भारतीय आणि प्रसाद लाड यांना उमेदवारी दिली आहे. तर, शिवसेनेनं सचिन अहिर, आमश्या पाडवी, राष्ट्रवादी काँग्रेसनं रामराजे नाईक निंबाळकर, एकनाथ खडसे, काँग्रेसकडून भाई जगताप आणि चंद्रकांत हंडोरे यांना उमेदवारी दिली गेली आहे.

भाई जगताप आणि प्रसाद लाड यांच्यात थेट लढत

विधानपरिषद निवडणुकीत मुख्य लढत ही काँग्रेसच्या (Congress) भाई जगताप आणि भाजपच्या प्रसाद लाड यांच्यामध्ये होणार आहे. काँग्रेसने यासाठी जय्यत तयारी सुरु केली आहे. यात भाई जगताप यांची जागा डेंजर झोनमध्ये असल्याचे बोलले जात आहे. भाई जगताप हे मुंबई काँग्रेस अध्यक्ष असल्याने मुंबई महापालिका निवडणुकीच्या पार्श्वभूमीवर भाई जगतापांची जागा काँग्रेसकरता प्रतिष्ठेची मानली जात आहे. भाई जगताप दुसऱ्या क्रमांकाचे उमेदवार असल्याने त्यांची मदार प्रेफरन्शीअल वोटींग आणि अपक्ष यांवर असणार आहे. काँग्रेस आमदारांचे संख्याबळ ४४ आहे.

Edited By - Akshay Baisane

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

एटीएममध्ये निघाला विषारी नाग; पैसे टाकायसाठी गेलेल्या कर्मचाऱ्यांचा उडाला थरकाप

WhatsApp मध्ये येत आहेत 'हे' अद्भुत फीचर्स, जाणून घ्या सर्व महत्वाची माहिती

IND vs ENG : जसप्रीत बुमराह OUT, कुलदीप-अर्शदीप IN? निर्णायक कसोटीसाठी भारताचे संभाव्य ११ शिलेदार

Shocking News: नवजात बाळाला गाईचं दूध दिलं, शरीरात झालं इन्फेक्शन; २१ दिवसानंतर मृत्यूच्या दाढेतून बाहेर

Maharashtra Live News Update: मालेगाव बॉम्बस्फोटाचा आज निकाल, स्व. हेमंत करकरे यांच्या आठवणी ताज्या

SCROLL FOR NEXT