Nalasopara News :

बदलती लाईफस्टाईल यामुळे तरुणांमध्ये हृदयविकाराच्या झटक्याचं प्रमाण वाढलं आहे. अशीच एक दु:खद घटना मुंबईजवळच्या नालासोपाऱ्यातून समोर आली आहे.

नालासोपाऱ्यातील एका २७ वर्षीय बॉडी बिल्डरचं निधन झालं आहे. हृदयविकाराच्या झटक्याने या बॉडी बिल्डरचं निधन झालं आहे. अजिंक्य कदम असं या बॉडी बिल्डरचं नाव आहे. (Latest Marathi News)

मिळालेल्या माहितीनुसार, सोमवारी सकाळी अचानक अजिंक्यच्या छातीत दुखू लागलं आणि अस्वस्थ वाटू लागलं होते. कुटुंबियांनी तातडीने त्याला जवळच्या महापालिकेच्या रुग्णालयात दाखल केले.

मात्र उपचाराआधीच त्यांचं निधन झालं. डॉक्टरांना दिलेल्या माहितीनुसार हृदयविकाराच्या झटक्याने अजिंक्यचं निधन झालं आहे.

मुंबई परिसरात बॉडी बिल्डर म्हणून अजिंक्यचं मोठं नाव होतं. अनेक स्पर्धांमध्ये त्याने सहभाग घेऊन पारितोषके देखील पटकावले होते. अजिंक्य अविवाहित होता. त्याच्या मागे आई, वडील, भाऊ, बहीण असा परिवार आहे. अजिंक्यच्या असं अचानक जाण्याने कुटुंबियांना आणि मित्र परिवारालाही धक्का बसला आहे.