नगर : मुख्यमंत्री एकनाथ शिंदे (eknath shinde) यांनी नगर (nagar) शहरातील नगरसेवक फोडण्याचे काम थांबवावे अन्यथा त्यांना काळे फासले जाईल असा इशारा शिवसेनेच्या (shivsena) माजी पदाधिकारी स्मिता अष्टेकर (smita asthekar) यांनी दिला. नगर शहरातील नगरसेवक जर शिंदे गटात गेले तर त्यांनाही काळे फासले जाईल असा ही इशारा अष्टेकर यांनी नगरसेवकांना दिला आहे. (smita asthekar latest marathi news)

राज्याचे मुख्यमंत्री एकनाथ शिंदे यांच्या गटाने शिवसेना पक्षप्रमुख उद्धव ठाकरे यांच्यासमोर माेठ्या अडचणी उभ्या केल्या आहेत. राज्यातील विविध जिल्ह्यात एकनाथ शिंदे गटात सहभागी हाेण्यासाठी लाेकप्रतिनिधींची जणू स्पर्धाच सुरू झाली आहे. त्यांना थांबविण्यासाठी शिवसेना राजकीय आणि कायदेशीर प्रक्रियेचे डावपेच खेळत आहे. (eknath shinde latest news)

दरम्यान शिवसेना फुटीवर रामबाण उपाय म्हणून नगर येथील महिला आघाडीच्या प्रमुख स्मिता अष्टेकर यांनी थेट मुख्यमंत्री एकनाथ शिंदे यांनाच लक्ष केले आहे. अष्टेकर यांनी मुख्यमंत्री शिंदेंना काळे फासण्याचा इशारा माध्यमांशी बाेलताना दिला आहे.

अष्टेकर म्हणाल्या नगर येथील नगरसेवक शिंदे गटात गेले तर त्यांना आमची महिला आघाडी शिवसेनाप्रमुख बाळासाहेब ठाकरे (Balasaheb Thackeray) यांच्या शिवसेना स्टाइलने उत्तर देईल. बंडखोरांच्या तोंडाला काळे फासले जाईल असेही त्यांनी नमूद केले.

अष्टेकर या शिवसेनेच्या कट्टर समर्थक आहेत. आजपर्यंत त्यांच्या माध्यमातून नगर शहरात शिवसेनेने वेगवेगळ्या विषयांवर आक्रमक आंदोलनं छेडली आहेत. माध्यमांशी बाेलताना त्यांनी माझे प्रकरण विसरू नका मी काय कांड केले हे तुम्हाला माहितहेत असेही नमूद करीत स्थानिक बंडखाेरांना इशारा दिला आहे.

Edited By : Siddharth Latkar