सुशांत सावंत -

मुंबई : आज अर्थसंकल्पीय अधिवेशनाच्या शेवटच्या आठवड्यातील मुख्यमंत्री उद्धव ठाकरेंनी (Uddhav Thackeray) भाषण केलं. त्यांच्या भाषणानंतर माजी मुख्यमंत्री देवेंद्र फडणवीसांनी (Devendra Fadnavis) अधिवेशाच्या बाहेर आल्यानंतर पत्रकारांशी संवाद साधला यावेळी त्यांनी मुख्यमंत्र्यावरती निशाना साधला.

आज संपलं आहे कुठल्याही विषयाला हे सरकार उत्तर देऊ शकले नाही. आम्ही भ्रष्टाचाराचे मुद्दे मांडले पण यांनी कुठलेही उत्तर दिले नाही. महाविकास आघाडीचा कत्तलखाना आम्ही समोर आणला आमच्या आमदारांबाबत कसे हे कटकारस्थान करतात हे आम्ही दाखवलं आम्हाला CID मान्य नाही. आम्ही हायकोर्टात गेलो असल्याचं फडणवीसांनी सांगितलं.

NA टॅक्स बाबत देखील आम्ही पाठपुरावा केला तो देखील या सरकारने स्थगित केला राज्याच्या शेतकऱ्यांसाठी कुठलीही घोषणा झाली नाही. विदर्भ मराठवाडा (Vidarbha Marathwada) वॉटर ग्रीडचा प्रश्न आम्ही मांडला विदर्भ आणि मराठा प्रश्नावर बोलताना आम्ही किती पैसे दिले हे विचारले पण यांनी त्याचे उत्तर देखील दिले नाही पहिल्या दिवसापासून आम्ही पाठपुरावा करत होतो विदर्भ आणि मराठावाडा सबसिडीचे पैसे मागत होतो पण यांनी काहीच उत्तर दिले नाही. पेट्रोल-डिझेल दरवाडी आंदोलन करणारे कॉंग्रेस (Congress) दुटप्पी आहे.

या अधिवेशनात मुख्यमंत्र्यांनी दोन भाषण केले. आजच भाषण शिवाजी पार्कवरील भाषण होते ते दिल्लीला गेले काश्मीरला गेले पण मुंबईवर बोलले नाही. मुख्यमंत्री नवाब मलिक यांचे समर्थन करत आहेत ही मतांची लाचारी आहे. आज त्यांचा चेहरा समोर आला आहे. आज स्पष्ट झाले की मुंबई बॉम्ब ब्लास्ट करणाऱ्याचे ते समर्थन करत आहेत असा घणाघाती आरोप फडणवीस यांनी मुख्यमंत्र्यावर केले.

Edited By - jagdish Patil