Mumbai's Bandra terminus station stampede : दिवाळीसाठी गावी जाण्यासाठी रेल्वे स्थानकांवर प्रवाशांची गर्दी मोठ्या प्रमाणात वाढलेली आहे. दादर असो कुर्ला असो की वांद्रे टर्निनस सगळीकडे गर्दी आहे. आज सकाळी वांद्रे रेल्वे स्टेशनवरही मोठ्या प्रमाणात गर्दी होती. फलाट क्रमांक १ वर ट्रेनमध्ये चढताना चेंगराचेंगरीची घटना घडली आहे. या घटनेमध्ये ९ जण जखमी झाले आहेत. त्यांच्यावर वांद्रे येथील भाभा रुग्णालयात उपचार सुरु आहेत. ( Several Passengers Injured at Bandra Terminus Due to Rush)

वांद्रे- गोरखपूर या ट्रेनमध्ये चढताना वांद्रे स्टेशनवर चेंगराचेंगरीचा प्रकार घडला आहे. या चेंगराचेंगरीमध्ये अनेकणजण जखमी झाले आहेत. वांद्रे येथील भाभा रूग्णालयात जखमींना उपचारासाठी दाखल करण्यात आलेय. जखमींमधील ७ प्रवाशांची प्रकृती स्थिर असून दोघेघण गंभीर असल्याची माहिती समोर आली आहे. जखमींचा आकडा आणखीन वाढण्याची शक्यता आहे. घटनेचे व्हिडीओ सोशल मीडियावर व्हायरल होताना दिसत आहेत.