मुंबईकरांची लाईफ लाईन पश्चिम रेल्वे वाहतूक विस्कळीत झालीय. अंधेरी स्थानकात तांत्रिक बिघाड झाल्यानं लोकल गाड्या उशिराने धावत आहेत. या बिघाडामुळे अप व डाऊन दोन्ही मार्गांवरील लोकल गाड्यांच्या वेळापत्रकावर परिणाम झालाय.

मुंबईकरांची लाईफ लाईन असलेल्या पश्चिम रेल्वे मार्गावरील अंधेरी स्थानकात पॉईंट फेल्युअर झालीय अप व डाऊन दोन्ही मार्गांवरील लोकल गाड्यांच्या वेळापत्रकावर परिणाम झाला. या बिघाडामुळे गाड्या १५ ते २० मिनिटे उशिराने धावत आहेत. रेल्वे प्रशासनाने तांत्रिक दुरुस्तीचे काम तातडीने सुरू केले असून प्रवाशांची गैरसोय कमी करण्यासाठी विशेष लक्ष देण्यात येत आहे. दरम्यान, प्रवाशांना धीर धरण्याचे आणि प्रवासाला अतिरिक्त वेळ राखून ठेवण्याचे आवाहन करण्यात आले आहे.