BA Result Mumbai University : मुंबई विद्यापीठाच्या शैक्षणिक वर्ष २०२२-२३ च्या अंतिम वर्षाच्या नोव्हेंबर २०२२ मध्ये घेण्यात आलेल्या हिवाळी सत्राच्या मानव्य विद्याशाखेच्या तृतीय वर्ष बीए सत्र ५ परीक्षेचा निकाल जाहीर करण्यात आला.

बीए सत्र ५ च्या परीक्षेमध्ये एकूण ३ हजार ७१४ विद्यार्थी यशस्वीरित्या उत्तीर्ण झाले आहेत. या परीक्षेला १२ हजार १४९ विद्यार्थ्यांनी नोंदणी केली होती. त्यापैकी ११ हजार ८०६ एवढे विद्यार्थी परीक्षेत प्रविष्ठ (Appeared) झाले होते. तर ३४३ विद्यार्थी परीक्षेला अनुपस्थित होते. तसेच या परीक्षेत ७३८८ विद्यार्थी हे अनुत्तीर्ण झाले आहेत. बीए सत्र ५ चा निकाल ३३.४५ टक्के लागला आहे. (Latest Marathi News)

बीए सत्र ५ सोबत बीए इन मल्टिमीडिया अँड मास कम्युनिकेशन सत्र ६ , बीकॉम अकाऊंट अँड फायनान्स सत्र ५ ( ७५:२५ ओल्ड टू रीवाइज), बीकॉम अकाऊंट अँड फायनान्स सत्र ६ (७५:२५ ओल्ड टू रीवाइज), बीई सिव्हील इंजिनियरिंग सत्र ७ (सीबीसीएस सी स्कीम ) या परीक्षांचा निकाल आज जाहीर करण्यात आला. (Exam Result)

विद्यापीठाने आजपर्यंत २०२२ च्या हिवाळी सत्राचे १०९ निकाल जाहीर केले आहेत. आज ५ परीक्षांचे निकाल जाहीर केले. या परीक्षेचे निकाल विद्यापीठाचे संकेतस्थळ http://www.mumresults.in/ यावर प्रसिद्ध करण्यात आले आहेत. (Mumbai University)