Maharashtra Political news  Saam Tv
मुंबई/पुणे

Mumbai : मुंबई महापालिकेतील पक्ष कार्यालयावरून सेनेचे दोन्ही गट आमने-सामने; ठाकरे गटाच्या नगरसेवकांना वेगळीच भीती

मुंबई महापालिकेतील शिंदे-ठाकरे गटाच्या राड्यानंतर ठाकरे गटाच्या नगरसेवकांना एक वेगळीच भीती सतावत आहे.

साम टिव्ही ब्युरो

निवृत्ती बाबर

Thackeray Group News : शिंदे गटाने मुंबई महापालिकेच्या शिवसेना पक्ष कार्यालयावर दावा केल्यानंतर शिवसेनेच्या दोन्ही गटात एकच राडा पाहायला मिळाला. शिवसेनेच्या दोन्ही गटाने शाब्दिक बाचाबाची पाहायला मिळाली. मुंबई महापालिकेतील शिंदे-ठाकरे गटाच्या राड्यानंतर ठाकरे गटाच्या नगरसेवकांना एक वेगळीच भीती सतावत आहे. (Latest Marathi News)

शिंदे गटाने मुंबई महापालिकेच्या शिवसेना पक्ष कार्यालयाचा ताबा घेण्याचा प्रयत्न केला. यावेळी शिंदे गटाचे राहुल शेवाळे, शितल म्हात्रे, नरेश म्हस्के आदी नेते पाहायला मिळाले. या घटनेची कुणकुण ठाकरे गटाच्या नगरसेवक, पदाधिकाऱ्यांना लागताच कार्यालयात हजर झाले. त्यावेळी दोन्ही गटात एकच राडा झाला, तर धक्काबुक्की देखील पाहायला मिळाली.

मुंबई महापालिकेतील शिंदे-ठाकरे गटाच्या राड्यानंतर ठाकरे गटाच्या नगरसेवकांची सावध भूमिका घेतली आहे. उद्या, गुरुवारी ठाकरे गटाचे नगरसेवक पालिकेच्या मुख्यालयात जमणार आहेत. या बैठकीत पुढील रणनीतीबाबत चर्चा होईल.

आज,बुधवारी झालेल्या प्रकाराबद्दल ठाकरे गटाच्या नगरसेवकांना पोलीसांकडून पोलीस स्थानकात चौकशीसाठी येण्यासाठी फोन येत आहे, अशी माहिती ठाकरे गटाच्या नगरसेवकांकडून माहिती समोर आली आहे. यानंतर दोन्ही गटातील उपस्थितांची चौकशी करावी अशी भूमिका ठाकरे गटाने घेतली आहे. तर दुसरीकडे पोलीस स्थानकात बोलावून खोट्या गुन्हात अडकवलं जाईल, अशी ठाकरे गटाच्या नगरसेवकांना भीती आहे.

पक्ष कार्यालयात नेमकं काय घडलं ?

आज, राहुल शेवाळे , शितल म्हात्रे, नरेश म्हस्के यांनी पालिका आयुक्त इक्बाल सिंग चहल यांची भेट घेतली. त्यानंतर शिंदे गटाने मुंबई महापालिकेच्या शिवसेना पक्ष कार्यालयावर त्यांनी दावा केला. शिंदे गटाने पक्ष कार्यालयाबाहेर यशवंत जाधव यांच्या नावावर लावलेला कागद हटवत पक्ष कार्यालयावर कब्जा केला.

शिंदे गटाने मुंबई महापालिकेतील पक्ष कार्यालयावर दावा केल्यानंतर ठाकरे गट आमने सामने आले आहेत. त्यानंतर पक्ष कार्यालयात शिवसेनेच्या दोन्ही गटात जोरदार राडा पाहायला मिळाला आहे. यावेळी शिवसेनेच्या दोन्ही गटाच्या कार्यकर्त्यांमध्ये शाब्दीक बाचाबाची झाली. शिंदे गटाने पालिकेच्या पक्ष कार्यालयावर दावा केल्यानंतर राजकीय वातावरण चांगलंच तापलं होतं. दोन्ही गटांमध्ये काही काळ बाचाबाची सुरू होती. यानंतर पोलिसांचे वरिष्ठ अधिकारी आणि पालिकेच्या सुरक्षा रक्षक यांनी दोन्ही गटांना बाहेर काढले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Mumbai Pune Expressway : मुंबई-पुणे एक्सप्रेस वेवर भीषण अपघात, बोगद्यामध्ये ७-८ वाहनांची एकमेकांना जोरदार धडक

Saiyaara Vs Ye re ye re paisa 3: 'सैयारा'मुळे मराठी चित्रपटाला शोच मिळेना; मनसे नेत्यानं दिला कडक इशारा

Politics : चिराग भडकले, नितीश कुमार सरकारवर तुटून पडले; निवडणुकीआधीच बिहारचं राजकारण तापलं

Heart Attack Tips : सतर्क राहा! हार्ट अटॅक आल्यावर घरात एकटे असताना काय करावं, हे जाणून घ्या

Maharashtra Live News Update: बीडमध्ये वाल्मीक कराडचे बॅनर, बॅनर लावणारे अजित पवारांच्या जवळचे

SCROLL FOR NEXT