मुंबई - देभभरात काही ठिकाणी हिंसाचाराच्या घटना घडल्या. याप्रकरणी मुंबईतही गुन्हे दाखल झाले आहेत. मुंबई पोलिसांच्या (Mumbai Police) विशेष शाखेने अवघ्या चार महिन्यात 12 हजार 800 प्रक्षोभक, आक्षेपार्ह पोस्ट हटवल्या आहेत. पोस्ट सोशल मिडियावरून (Social Media) हटवल्या आहेत. विशेष शाखेने यावर्षी जानेवारीत 5 हजार 754, फेब्रुवारीमध्ये 4 हजार 252, मार्चमध्ये तीन हजार 958 वादग्रस्त पोस्ट हटवल्या आहेत. रामनवमीपासून देभभरात काही ठिकाणी हिंसाचाराच्या घटना घडल्या.

हे देखील पहा -

याप्रकरणी मुंबईत मानखुर्द, मालवणी, कुरार, आरे पोलीस ठाण्यात चार गुन्हे देखील दाखल झाले आहेत. या प्रकरणी पोलिसांकडून मानखुर्द घटनेत आतापर्यंत 30 जणांना अटक केली आहे. कुरार प्रकरणी 6 जणांना अटक केली आहे. गोरेगाव प्रकरणी 25 जणांना अटक करण्यात आली आहे . तर आतापर्यंत मुंबई पोलिसांनी 61 जणांना अटक केली आहे.

या धार्मिक हिसांचारांना अनेकदा सोशल मिडियावरील व्हायरल पोस्टममुळे वेगळे वळण मिळते. त्यामुळे विशेष शाखा व सायबर पोलीस अशा सोशल मिडियावरील आक्षेपार्ह पोस्टवर नजर ठेवून राहतात आणि त्यामुळेच मुंबई पोलिसांच्या विशेष शाखेने चार महिन्यात 12 हजार 800 वादग्रस्त पोस्ट सोशल मिडियावरून हटवल्या आहेत.