मुंबई: बॉलिवूड (Bollywood) अभिनेता रणवीर सिंह न्यूड फोटोशूट प्रकरणामुळे सतत चर्चेत असतो. आता या प्रकरणाला नवा ट्विस्ट आला आहे. रणवीरने सोशल मीडियावर शेअर केलेल्या सात फोटोंपैकी एक फोटो त्याच्या पोस्टचा भाग नव्हता, त्या फोटोत छेडछाड करण्यात आली आहे. पोलिसांना दिलेल्या निवेदनात रणवीरने हा दावा केला आहे .

"सोशल मीडियावर (Social Media) शेअर केलेल्या फोटोंपैकी एक फोटो, न्यूयॉर्कच्या पेपर मासिकासाठी एक फोटो वापरला आहे. यामध्ये त्याचे प्रायव्हेट पार्ट कथितपणे मॉर्फ केले आहेत, हा फोटो त्यांच्या मालकीचा नाही.'' असा दावा रणवीरने २९ ऑगस्ट रोजी नोंदवलेल्या जबाबात केला आहे.

रणवीर सिंहने ज्या फोटोचे वर्णन मॉर्फ केलेले आहे त्याच फोटोद्वारे मुंबई पोलिसांनी २६ जुलै रोजी रणवीर सिंहविरुद्ध अश्लीलतेच्या आरोपाखाली गुन्हा दाखल केला होता.

सूत्रांनी दिलेल्या माहितीनुसार, रणवीरच्या वक्तव्यानंतर पोलिसांनी आता हे फोटो फॉरेन्सिक सायन्स लॅबोरेटरीकडे पाठवले आहेत. जिथे फोटोत छेडछाड झाली आहे की नाही कळणार आहे. जर फोटोमध्ये छेडछाड झाल्याचे निष्पन्न झाले, तर रणवीर सिंहला क्लीन चिट मिळण्याची शक्यता आहे.