Mumbai Police: मुंबईसह राज्यभरात आता होळी आणि धुलीवंदनाच्या धामधुमीला लवकरच सुरूवात होणार आहे. होळी आणि धुलीवंदनाचा सण राज्यभरात मोठ्या उत्साहात साजरा केला जातो. यंदा होळी, धुलीवंदन आणि रंगपंचमीचे सण ५ मार्च ते ११ मार्च या कालावधीत साजरे केले जाणार आहेत.

या सणांसाठी मुंबई पोलिसांनी नागरिकांसाठी खास नियमावली तयार केली आहे. या नियमाखाली सण साजरे करण्याचे आवाहन मुंबई पोलिसांकडून करण्यात आले असून नियम न पाळल्यास कारवाईचाही इशारा देण्यात आला आहे. (Latest Marathi News Update)

रंगपंचमी, होळी, आणि धुलीवंदन उत्सव काळात 'या' नियमांचे पालन करावे..

• या कालावधीत फलक किंवा इतर कोणत्याही वस्तू, गोष्टींचे प्रदर्शन अथवा प्रसारण करू नये.

• रंगपंचमी साजरी करताना पादचाऱ्यांवर रंगीत पाणी, रंग किंवा पावडर फवारू किंवा फेकू नये.

• तसेच रंग खेळताना रंगीत किंवा साधे पाणी, कोणत्याही द्रवाने भरलेले फुगे मारू किंवा फेकू नये.

• सणांच्या काळात अश्लील शब्द किंवा घोषणांचे सार्वजनिक उच्चारण करू नये किंवा अश्लील गाणी सुद्धा बोलू नयेत.

• हावभाव किंवा नक्कलेचा वापर करून नये.

• कोणाचीही प्रतिष्ठा, सभ्यता किंवा नैतिकता दुखावेल अशी चिन्हे, चित्रे, फलक किंवा इतर कोणत्याही वस्तू, गोष्टींचे प्रदर्शन अथवा प्रसारण करू नये. (Mumbai Police Guildlines)

दरम्यान, या आदेशाचे कोणीही उल्लंघन केले किंवा या आदेशाचे उल्लंघन करण्यास मदत केली तर महाराष्ट्र पोलीस अधिनियम १९५१ च्या कलम १३५ नुसार शिक्षा केली जाणार आहे. हे आदेश व नियम ५ मार्च २०२३ ते दिनांक ११ मार्च २०२३ च्या मध्यरात्रीपर्यंत लागू करण्यात आल्याचे परिपत्रक मुंबईच्या पोलीस (Mumbai Police) आयुक्तांकडून प्रसिद्ध करण्यात आले आहे.