मुंबई: मुंबईत कोरोना रुग्णसंख्या झपाट्याने वाढत आहे. अशात अत्यावश्यक सेवेतील कर्मचाऱ्यांनाही मोठ्या प्रमाणात कोरोनाची लागण होतेय. मुंबई पोलीस दलही कोरोनाच्या विळख्यात अडकले आहे. मुंबई पोलीस दलातील (Mumbai Police Force) तब्बल 18 आयपीएस अधिकाऱ्यांना कोरोनाची लागण (Covid Positive) झाली आहे. ज्यामध्ये 13 डीसीपी, 4 अतिरिक्त अधिकारी आणि एक सह आयुक्त अधिकारी यांचा समावेश आहे. (Mumbai Police Corona News in Marathi)

हे देखील पहा -

मुंबई पोलीस दलात मागच्या 48 तासांत 114 पोलीस कोरोना पॉझिटिव्ह आले असून 2 पोलीसांचा मृत्यू झाला आहे. तर आतापर्यंत 125 पोलीसांचा कोरोनामुळे मृत्यू झाला आहे. मुंबई पोलीस दलात सध्या 523 अॅक्टिव रुग्ण असून त्यांच्यावर उपचार सुरू आहेत. अधिकारी एवढ्या मोठ्या संख्येने कोरोना पॉझिटिव्ह येत असल्याने त्याचा अतिरिक्त ताण मुंबई पोलीसांवर येत आहे.

Edited By - Akshay Baisane