सचिन गाड, साम टीव्ही प्रतिनिधी

मुंबई : मुंबईतून धक्कादायक घटना समोर आली आहे. मुंबईत ५ वर्षीय मुलीवर अत्याचार झाल्याची घटना घडली आहे. शेजारी राहणाऱ्यानेच ५ वर्षीय चिमुरडीवर अत्याचार केल्याची घटना उघडकीस आली आहे. आरएके मार्ग पोलीस स्टेशनच्या हद्दीत ही घटना घडली आहे. या घटनेने परिसरात एकच खळबळ उडाली आहे.

मिळालेल्या माहितीनुसार, मुंबईच्या शिवडी परिसरात ५ वर्षीय मुलीवर अत्याचार झाल्याची घटना घडली आहे. ५ वर्षीय चिमुरडीवर शेजारी राहणाऱ्या इसमाने अत्याचार केल्याचा संतापजनक प्रकार केला आहे. चिमुरडी अंगणात खेळत असताना तिला उचलून स्वत:च्या घरी नेलं. त्यानंतर या ३० वर्षीय शेजाऱ्याने मुलीवर अत्याचार केला.

या प्रकरणी आरएके मार्ग पोलीस स्टेशनच्या पोलिसांनी ३० वर्षीय आरोपीला अटक केली आहे. भारतीय न्याय संहितेच्या कलम ६५(२) आणि पोक्सो कायद्याअंतर्गत आरोपीला अटक करण्यात आली आहे. ५ वर्षीय मुलीवर झालेल्या अत्याचाराच्या घटनेने नागरिकांमध्ये संतापाची लाट उसळली आहे.

चिमुकलीवर अत्याचार, तरुणाला २० वर्षांचा कारावास

नागपुरातील पाच वर्षांच्या चिमुकलीवर शेजारच्या 27 वर्षीय तरुणाला बलात्कार केल्याप्रकरणी पॉस्को कायद्यान्वये दोषी ठरवलं. या प्रकरणी त्याला वीस वर्षाचा कारावास सुनावला. जिल्हा सत्र न्यायालयाने ही शिक्षा सुनावली. या तरुणाच्या विरोधात 6 एप्रिल 2022 खापरखेडा पोलीस ठाणे अंतर्गत हा गुन्हा दाखल करण्यात आला होता.

आरोपीच्या मोठ्या भावाला पाच वर्षाची मुलगी होती. त्यासोबत ही पीडित मुलगी खेळायला जात होती. घटनेच्या दिवशी रात्री आरोपीने पीडितेला शेतात नेऊन अत्याचार केला. पीडितेने सगळी हकीकत आईला सांगितल्यानंतर तक्रारीवरून गुन्हा दाखल करण्यात आला.