पवई येथील मारवा पुलाचे बांधकाम गेली तीन वर्ष कासव गतीने सुरू आहे. त्यामुळे आज संतप्त झालेल्या शिवसेना शिंदे गटाच्या कार्यकर्त्यांनी कंत्राटदाराचं ऑफिस फोडलं आहे. विधानसभा प्रमुख अशोक माटेकर, माजी नगरसेविका अश्विनी माटेकर आणि शेकडो शिवसैनिकानी आज इथल्या कंत्राटदाराचं ऑफिस आणि जेसीबीची तोडफोड केली. त्यामुळे घटनास्थळी काही काळ तणाव निर्माण झाला होता.

पवई वरून अंधेरी एमआयडीसीकडे जाण्यासाठी हा मारवा पूल शॉर्टकट आहे. २०२१ पासून या पूलाच कंत्राटदार करतो आहे. वारंवार निधी वाढवून देण्यात आला, वेळ वाढवून देण्यात आला मात्र पूल पूर्ण झालं नाही. पावसाळ्यात या ठिकाणी स्थिती आणखी वाईट होऊ शकते. वारंवार तक्रार करून ही हे काम पूर्ण होत नसल्याने आज शिवसैनिकांनी कंत्राटदाराचे इथलं कार्यालय आणि उभा असलेला जेसीबी फोडून टाकला आहे.