मुंबई महापालिका निवडणुकीत काँग्रेसनं स्वबळाचा नारा दिला. तर ठाकरे बंधू आणि शरद पवारांच्या राष्ट्रवादीनं एकत्र निवडणुकीला समोरं जात. भाजप आणि शिंदेसेनेविरोधात रणशिंग फुकलं. अशातच काही जागांवर काँग्रेस ठाकरेसेनेला छुपा पाठिंबा देईल, अशी चर्चा सुरु होती. मात्र ठाकरेंच्या बालेकिल्ल्यातच काँग्रेसनं आपले उमेदवार उतरवल्यानं ठाकरेसेनेपुढे मोठं आव्हानं निर्माण झालयं.

तब्बल 34 प्रभागात ठाकरेसेना आणि काँग्रेस उमेदवार आमनेसामने

वर्सोवा, अंधेरी, चेंबूर, गोंवडी या ठाकरेंच्या बालेकिल्ल्यात काँग्रेसचे उमेदवार मैदानात

माहिम, भांडुप, शिवडी मतदारसंघातील प्रभागात काँग्रेसचं आव्हानं

34 प्रभागात ठाकरेंना मिळणारी मतं विभागली जाण्य़ाची शक्यता

दरम्यान मविआतील मित्रपक्ष असणारे काँग्रेस आणि ठाकरेसेना आमनेसामने आल्यानं मतांच्या विभाजानाचा फायदा महायुतीला होणार असल्याची शक्यता आहे. तरीही ठाकरेसेनेनं काँग्रेसबद्दल सकारात्मक भूमिका घेतलीय. वंचितनं ठाकरेंच्या बालेकिल्ल्यात उमेदवार उतरवले नसल्यानं मागासवर्गीय मतांची विभागणी थांबून याचा फायदा ठाकरेंना होऊ शकतो. मात्र त्याचं मतदारसंघात काँग्रेसनं उमेदवारी दिल्यानं ठाकरेंपुढे मोठं पेच निर्माण झालाय.मतांच्या विभागणीमुळे आता महायुतीला आणि त्यातही भाजपला रोखणं ठाकरेंना शक्य होणार का? बालेकिल्ला राखण्यात ठाकरे ब्रँड यशस्वी होणार का? हे पाहणं महत्त्वाचं आहे.