मध्य रेल्वेची वाहतूक विस्कळीत झाली आहे. कर्जत- भिवपूरी स्थानकादरम्यान तांत्रिक बिघाड झाला आहे. पेंटाग्राफ तुटल्यामुळे मध्य रेल्वे मार्गावरील लोकल वाहतूक पूर्णपणे बंद झाली होती. दुरूस्तीचे काम पूर्ण करण्यात आले आहे. दीड तासानंतर कर्जत-सीएसएमटी लोकल वाहतूक सुरू झाली आहे पण लोकल उशिराने धावत आहेत. ऐन गर्दीच्या वेळी मध्य रेल्वेची वाहतूक विस्कळीत झाल्यामुळे कामाला जाणाऱ्या प्रवाशांचे हाल होत आहेत.
कर्जत रेल्वे स्टेशनमध्ये लोकलचा पेंटाग्राफ तुटल्यामुळे दीड तासांपासून मुंबईच्या दिशेला येणारी लोकल वाहतूक बंद झाली होती. मध्य रेल्वे प्रशासनाकडून तात्काळ दुरूस्तीचे काम पूर्ण करण्यात आले. आता ही वाहतूक हळूहळू पूर्वपदावर येत आहे. मध्य रेल्वेची वाहतूक विस्कळीत झाल्यामुळे सर्वच रेल्वे स्थानकावर प्रवाशांची मोठी गर्दी झाली आहे. थोड्या वेळापूर्वीच कर्जतहून मुंबईच्या दिशेने लोकल रवाना झाली आहे.
सकाळच्या सुमारास कर्जतजवळ लोकलचा पेंटाग्राफ तुटल्यामुळे अप आणि डाऊन मार्गावरची लोकल वाहतूक पूर्णपणे बंद झाली होती. त्याचा फटका कामावर जाणाऱ्या प्रवाशांना बसला. कर्जत ते वांगणीपर्यंत लोकलसेवा नसल्यामुळे प्रवासी दीड तास स्टेशनवरच ताटकळत बसले होते. बदलापूरपासून सीएसएमटीकडे लोकल वाहतूक सुरू असल्यामुळे तिथल्या प्रवाशांना फारसा फटका बसला नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.