सचिन गाड

Mantralaya News: राज्यात धमक्यांचे सत्र संपता संपत नाहीये. नागरिकांची गजबज असलेली ठिकाणे, राज्यातील मंत्री, पोलीस अधिकारी यांना अतिरेकी धमक्यांचे फोन येत आहेत. अशात आता देखील मंत्रालयात असाच एक धमकीचा फोन आला आहे. (Latest Marathi News)

अधिक माहिती अशी की, मंत्रालयातील नियंत्रण कक्षाला हा धमकीचा फोन आला आहे. एक दोन दिवसात अतिरेकी हल्ला करण्याची धमकी देण्यात आली आहे. सोमवारी रात्री १० वाजता मंत्रालय नियंत्रण कक्षातील लँडलाईनवार धमकीचा फोन आलाय.

अतिरेकी हल्ला नेमका कोणत्या ठिकाणी होणार याचं स्थळ धमकीच्या फोनमध्ये सांगण्यात आलं नाही. धमकीचा फोन येताच याची माहिती पोलिसांना देण्यात आली आहे. फोन येताच मुंबई पोलीस सतर्क झालेत. धमकीचा कॉल ट्रेस करण्याचे काम सध्या सुरू आहे. तसेच तपासात कांदिवली येथून एका संशयीताला ताब्यात घेतलंय.

धमकीचा फोन का करण्यात आला. यामध्ये खरंच काही तथ्य आहे का? याची पडताळणी मुंबई पोलीस करत आहेत.दोन दिवसांपूर्वीच मुंबई पोलिसांना देखील धमकीचा फोन आला होता. मुंबई लोकल ट्रेनमध्ये साखळी बॉम्बस्फोट करण्याची धमकी यावेळी देण्यात आली होती.