संजय गडदे

Mumbai Latest Crime News : मुंबईतील जोगेश्वरी पश्चिम परिसरात दोन अल्पवयीन बालकांचे लैंगिक शोषण प्रकरणी शिक्षकाला अटक करण्यात आली आहे. पोलिसांनी दिलेल्या माहितीनुसार, 4 वर्षीय 2 अल्पवयीन मुलांचे 25 वर्षीय शिक्षकाने लैंगिक शोषण केले होते. शिक्षकावर गुन्हा दाखल करून न्यायालयीन कोठडीत रवानगी करण्यात आली आहे.

याबाबत पोलिसांनी (police) सांगितले की, आरोपी शिक्षकाने जोगेश्वरी पश्चिमेकडील दोन 4 वर्षीय मुलावर लैंगिक अत्याचार केले. पीडित बालकाच्या कुटुंबीयांनी तक्रार दाखल केल्यानंतर, आरोपीच्या विरोधात पाॅक्सो कायद्यांतर्गत गुन्हा दाखल करून अटक (Arrest) करण्यात आली आहे. आरोपीला न्यायालयीन कोठडीत पाठवण्यात आले आहे.

आरोपी शिक्षक हा अरबी आणि उर्दू विषय शिकवण्यासाठी त्या मुलांच्या घरी जात असे.4 डिसेंबर 2022 रोजी, 25 वर्षीय मौलवी शिक्षकाने त्या दोन्ही विद्यार्थ्यांच्या घरी जाऊन त्यांच्यासोबत लैंगिक चाळे केले.

शिक्षकाच्या या कृती विषयी त्या दोन्ही अल्पवयीन बालकांनी आपल्या आई-वडिलांना सांगितले त्यानंतर पालकांनी ओशिवरा पोलीस ठाण्यात धाव घेत तक्रार आरोपी शिक्षकाविरोधात तक्रार दिली. पालकांच्या तक्रारीवरून ओशिवरा पोलिसांनी मौलानाविरुद्ध पोक्सो गुन्हा दाखल करून शुक्रवारी मौलानाला अटक केली.ओशिवरा पोलीस या प्रकरणाचा पुढील तपास करत आहेत.