मुंबई: शेजारी राहणाऱ्या सहकार्याच्याच बायकोची छेड काढणाऱ्या पोलीस (Police) शिपायावर वरळी पोलिसांनी विनयभंगाचा गुन्हा दाखल केल्याची घटना समोर आली आहे. वरळी पोलीस कॅम्प परिसरात ही घटना घडली आहे. आरोपी पोलीस कॉन्स्टेबल व तक्रारदार महिला या शेजारीच राहतात. पीडित महिलेला पाहून तक्रारदार वारंवार अश्लील चाळे व इशारे करत असल्याचे पीडितेने आरोप केले आहेत. (Mumbai Crime News)

पोलिसांनी (Police) दिलेला माहिती अशी, वरळी पोलीस कॅम्प परिसरातील एक पोलीस शिपाई आपल्या शेजारी राहणाऱ्या महिलेला रोज अश्लिल इशारे करायचा. आरोपी पोलीस कॉन्स्टेबल व तक्रारदार महिला या शेजारीच राहतात. रोजच्या या त्रासाला कंटाळून पीडितेने अखेर वरळी पोलिसांत तक्रार दाखल केली आहे.

वरिष्ठांनीही या घटनेची गंभीर दखल घेत आरोपी सचिन सणस याच्यावर ३५४ (अ), ५०९ भादवी कलमांतर्गत गुन्हा दाखल करून त्याला अटक केली आहे. या प्रकरणी वरळी पोलीस अधिक तपास करत आहेत.