संजय गडदे, साम टीव्ही

Mumbai Crime News : वसईतील श्रद्धा वालकर या तरुणीच्या हत्या प्रकरणात अवघा देश हादरला असताना, मुंबईतून एक धक्कादायक घटना (Mumbai Crime) उघडकीस आली आहे. मुंबईतील दहिसर भागात देखील एका प्रियकराने आपल्या प्रेयसीला जीवे मारण्याचा प्रयत्न केला आहे. याप्रकरणी तरुणीने दिलेल्या फिर्यादीवरून दहिसर पोलिसांनी आरोपी तरुणाला बेड्या ठोकल्या आहेत.

अमेय दरेकर असे अटक करण्यात आलेल्या आरोपी प्रियकराने नाव असून तो बोरिवली परिसरातील रहिवासी आहे. पोलिसांनी दिलेल्या माहितीनुसार, आरोपी आणि जखमी झालेली तरुणी प्रीयांगी सिंग हे दोघेही एकमेकांचे परिचित असून त्यांच्यात प्रेम संबंध आहेत. रविवारी रात्री प्रियांगी आपला प्रियकर अमेय दरेकर याला भेटण्यासाठी बोरिवली येथील त्याच्या निवासस्थानी गेली.

रात्री त्यांच्यात काही वाद झाल्यानंतर प्रियांगी हिला टाकीवरून धक्का (Crime News) मारून ढकलले. यामुळे ते अंदाजे 18 फूट खाली पडल्यामुळे तिला मोठ्या प्रमाणावर इजा झाली. जेव्हा ही घटना घडली तेव्हा दोघांनीही मद्यपान केले होते. भांडण झाल्यानंतर आरोपी अमेयाने प्रियांगीला टाकीवरून ढकलून दिले. या घटनेत तरुणीच्या डोक्याला आणि कमरेला गंभीर इजा झाली.

अशाच अवस्थेत दुसऱ्या दिवशी सकाळी अमेय आणि त्याच्या आईने प्रियांगीला तिच्या आई-वडिलांच्या घरी आणून सोडून निघून गेले. यानंतर प्रियंकाचे वडील यांनी यासंदर्भात दिंडोशी पोलीस ठाण्यामध्ये तक्रार दाखल केली. मात्र प्रकरणं दहिसर पोलीस ठाणे हद्दीत घडले असल्यामुळे पुढील तपासासाठी ते आता दहिसर पोलिसांना सोपवण्यात आलं आहे.

दहिसर पोलिसांनी आरोपीविरोधात अटेंड टू मर्डर (खुनाचा प्रयत्न) केल्याप्रकरणी गुन्हा दाखल केला आहे. आरोपीला अटक करून न्यायालयात हजर केलं असता, त्याला त्याला चार दिवसाची पोलीस कोठडी सुनावण्यात आली आहे.

Edited By - Satish Daud