Ghatkopar Crime News Saam TV
मुंबई/पुणे

Mumbai : ११ वर्षीय मुलानेच रचला स्वत:च्या अपहरणाचा बनाव; कारण ऐकून पोलिसही चक्रावले!

गेल्या काही दिवसांपासून शाळकरी मुलांचे अपहरण होत असल्याचे बनावट मॅसेज समाज माध्यमांवर व्हायरल होत आहे. याचा परिणाम आता लहान मुलांवर देखील होताना दिसत आहे.

साम टिव्ही ब्युरो

Ghatkopar Crime News : गेल्या काही दिवसांपासून शाळकरी मुलांचे अपहरण होत असल्याचे बनावट मॅसेज समाज माध्यमांवर (Social Media) व्हायरल होत आहे. याचा परिणाम आता लहान मुलांवर देखील होताना दिसत आहे. मुंबईतल्या (Mumbai) घाटकोपर (Ghatkopar) इथं एका ११ वर्षाच्या मुलाने स्वत:च्याच अपहरणाचा बनाव रचला. अपहरणकर्त्याच्या तावडीतून आपण कसे सुटलो, अशी माहिती त्याने कुटुंबीयासह पोलिसांना दिली. (Ghatkopar News Today)

अचानक घडलेल्या या घटनेने सारेच अचंबित झाले. पोलिसांनी तपास सुरू केला. तेव्हा बिंग फुटले. चित्रपटात शोभावा असा प्रकार बुधवारी घाटकोपर पोलिसांनी उघडकीस आणला. घाटकोपर येथील अशोकनगर परिसरात राहणाऱ्या या ११ वर्षीय मुलाला कमी मार्क्स पडले होते. त्यामुळे शाळेत पडणारा ओरडा त्याला नको होता.

अशातच मोठ्या भावाच्या मोबाईलवर त्याने अपहरणाचे फेक म्यासेज पाहिले होते. मग काय त्याने स्वत:च्याच अपहरणाचा बनाव रचला. शाळेत जात असताना रिक्षातून आलेल्या दोन जणांनी माझे अपहरण करण्याचा प्रयत्न केला, त्यांनी माझे तोंड दाबले. मात्र, मी रिक्षातून उडी मारली आणि त्यांच्या तावडीतून कसाबसा सुटलो, अशी बनावट कहाणी या मुलाने आपल्या आई-वडिलांना सांगितली. (Mumbai News Today)

मुलाच्या अपहरणाचा प्रयत्न झाल्याने आई-वडिलांनी थेट पोलीस ठाणे गाठले. पोलीस ठाण्यात आल्यानंतरही या मुलाने आपली बनावट कहाणी पोलिसांना सांगितली. घटनेचं गांभीर्य लक्षात घेता वरिष्ठ पोलीस निरीक्षक संजय डहाके यांनी तात्काळ पथके तयार करून या रिक्षाचा शोध घेण्यास सांगितले.

पोलिसांनी तपास करत परिसरातील सीसीटीव्ही तपासले असता, अशी कोणतीही घटना घडली नसल्याचं पोलीस उघड झालं. दरम्यान, पोलिसांनी या मुलालाच विश्वासात घेऊन विचारले असता, आपणच हा खोटा बनाव रचला असल्याची कबूली त्याने दिली.

Edited By - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anant Chaturdashi 2025 live updates : निरोप घेतो देवा आता आज्ञा असावी..., लाडक्या बाप्पाला आज निरोप

Maharashtra Live News Update: भिवंडीतील नारपोली येथे बालाजी डाईंगला भीषण आग

Jio Recharge Plan: ७५ रुपयांचा जिओचा प्रीपेड प्लॅन! २३ दिवसांची वैधता, अतिरिक्त डेटा मोफत अन् बरंच काही...

IPS Anjana Krishna: आई टायपिस्ट, वडील कपडे विकायचे, एकेकाळी डिप्रेशनमध्ये गेल्या, तरी जिद्दीने झाल्या IPS, वाचा अंजना कृष्णा यांचा प्रेरणादायी प्रवास

Saturday Horoscope: आनंदाचा दिवस; अनंत चतुर्दशीच्या दिवशी ६ राशींना होणार धनलाभ, जाणून घ्या तुमचं राशीभविष्य

SCROLL FOR NEXT