अभिजित देशमुख

Mumbai: कल्याण स्टेशन परिसरात एका तरुणाने गळफास घेत आत्महत्या केल्याची धक्कादायक घटना समोर आली आहे. या धक्कादायक बातमीने स्टेशन परिसरात खळबळ उडाली असून पोलिसांनी घटनास्थळी धाव घेतली आहे. आत्महत्येचे कारण अद्याप स्पष्ट असून पोलीस पुढील तपास करत आहेत. (Latest Marathi News)

याबाबत अधिक माहिती अशी की, कल्याण स्टेशन परिसरातील स्कायवॉकला लटकून एका तरुणाने गळफास घेत आत्महत्या केल्याची दुर्दैवी घटना आज पहाटेच्या सुमारास घडली आहे. पहाटे स्टेशन परिसरात असलेल्या काही जणांनी मृतदेह लटकताना पाहिला याची माहिती पोलिसांना दिली .

घटनेची माहिती मिळताच महात्मा फुले पोलिस व अग्निशमन दलाने घटनास्थळी धाव घेत मृतदेह खाली उतरवून शवविच्छेदनासाठी पाठवला आहे. विठ्ठल मिसाळ असे या तरुणाचे नाव असून तो बीड येथील रहिवासी असल्याची माहिती समोर आली आहे .

दरम्यान, या धक्कादायक घटनेने कल्याण (Kalyan News) रेल्वे स्टेशन परिसरात खळबळ उडाली आहे. या तरुणाने आत्महत्या का केली याबद्दलचे कारण अद्याप समोर आले नाही. पोलिस या घटनेचा पुढील तपास करत आहेत.