आवेश तांदळे

Mumbai Corona Update :

देशभरात कोरोनाने पुन्हा डोकं वर काढलं आहे. कोरोनाच्या नव्या JN.1 या व्हेरिएंटमुळे प्रशासनाची देखील चिंता वाढला आहे. जगभरात या नव्या व्हेरिएंटच्या रुग्णांमध्ये झपाट्याने वाढ होत आहे. देशभरात या व्हेरिएंट २१ रुग्ण आढळले आहेत.

या पार्श्वभूमीवर मुंबई महापालिका देखील सतर्क झाली आहे. मुंबई महापालिकेने नागरिकांसाठी काही गाईडलाईन जारी केल्या आहेत. मुंबई महापालिकेच्या आरोग्य अधिकारी डॉ. दक्षा शहा याबाबत पत्रकार परिषद घेत माहिती दिली.

डॉ. दक्षा शहा यांनी म्हटलं की, हा नवा व्हेरिएंट सौम्य आहे. ओमिक्रोनचा हा सब व्हेरिएंट आहे. मुंबई महापालिकेने नव्या आव्हानाचा सामना करण्यासाठी सर्व तयारी केली आहे. महापालिका आयुक्तांनी देखील याबाबत आढावा घेतला. हॉस्पिटलमधील बेड्स, औषधे यांची उपलब्धता देखील तपासलीआहे.

मुंबईत मास्क सक्ती नाही

सर्दी, खोकला, ताप असेल तर स्वतः हून गर्दीच्या ठिकाणी जाणं टाळा. मुंबईत सध्यातरी मास्क सक्तीचा विचार नाही. मात्र नागरिक मास्क स्वतः इच्छेने वापरू शकतात. ज्यांना हाय रिस्क आहे, त्यांनी दुर्लक्ष करू नये . जवळच्या महानगरपालिका रुग्णालयात जाऊन टेस्ट करून घ्यावी, असं आवाहन दक्षा शहा यांनी केलं आहे.