मुंबई: मुंबईच्या चेंबूर पोलीस ठाण्यात आरोपी़कडे खंडणी मागितल्या प्रकरणी एक पोलीस अधिकारी, एक निलंबित पोलीस अधिकारी आणि अन्य एकावर खंडणीचा गुन्हा दाखल करण्यात आला आहे (Mumbai Chembur police file case against one police officer and one suspended officer for asking ransom to accused).

पोलीस (Police) अधिकारी शालिनी शर्मा, निलंबित पोलिस अधिकारी अनिल उर्फ भाणुदास जाधव आणि राजु सोनटक्के अशी गुन्हा दाखल झालेल्यांची नावे आहेत. आरोपींमधील निलंबित पोलीस अधिकारी अनिल याने आरोपीला जामीन (Bail) मिळवून देण्यासाठी 50 लाखांची खंडणी मागितली होती.

पैसे न दिल्यास अशाच प्रकारे इतर पोलीस ठाण्यात नोंद असलेल्या गुन्ह्यांमध्ये आरोपीचा ताबा देण्याची धमकी त्या निलंबित अधिकाऱ्याने दिली होती. तर सोनटक्के याने आरोपीकडे 2 लाख रुपये व्हॉट्सअॅप कॉल करून मागितल्याचा आरोप तक्रारदाराने केला आहे.

या प्रकरणी चेंबूर पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.

Edited By - Nupur Uppal