World's Second-Most Honest City Mumbai: आपलं मुंबई शहर जगातल्या दुसऱ्या क्रमांकाचं प्रमाणिक शहर ठरलं आहे. पाणपोईला ग्लास बांधून ठेवणारे, मंदिरात चप्पल सांभाळायचं भाडं भरणारे आणि बँकेत पेनला दोरीने बांधून ठेवणाऱ्या आपल्या माणसांमध्ये आजही प्रमाणिकपणा शिल्लक आहे याचं हे उत्तम उदाहरण आहे. (Latest Marathi News)

जगातल्या काही मोठमोठ्या शहरांमधील नागरिकांचा प्रमाणिकपणा पडताळण्यासाठी अमेरिकेतील प्रसिद्ध मासिक 'रीडर्स डायजेस्ट'ने एक भन्नाट सर्व्हे केला. ज्यात जगभारतून मुंबई दुसऱ्या क्रमांकाचं प्रामाणिक शहर असल्याचं समोर आलं आहे.

रीडर्स डायजेस्ट या मासीकाने 16 शहरांमध्ये पैशाने भरलेले 192 पाकीटं सोडले. या सर्व्हेक्षणामध्ये प्रत्येक शहरामध्ये वर्दळीच्या रस्त्यांवर ठिकठिकाणी पैशांनी भरलेली १२ पाकिटे ठेवण्यात आले.

या पाकिटामध्ये एका व्यक्तीचे नाव,पत्ता, मोबाइल क्रमांक, कुटुंबाचे छायाचित्र, कूपन, व्यावसायिक कार्ड, स्थानिक चलनानुसार ५० डॉलर म्हणजेच ३ हजार ६०० रुपये ठेवण्यात आले. यानंतर कोणत्या शहरामधून किती पाकिटे परत आणून देण्यात येतात याची प्रतीक्षा करण्यात आली.

हेलसिंकीमधील नागरिकांनी पैसे असलेली ११ पाकिटे परत आणून दिली.. आणि जगातील सर्वात प्रामाणिक शहर होण्याचा बहुमान या शहराने पटकावला. त्यापोठापाठ आपल्या मुंबईकरांनी १२ पैकी नऊ पाकिटे परत आणून दिली. त्यामुळेच मुंबई जगातील दुसऱ्या क्रमांकाचे प्रामाणिक शहर ठरलं आहे. मुंबईत वाढत्या गुन्हेगारीच्या आकडेवाऱ्या समोर येत असताना हा सर्वे दिलासा देणारा आहे.